2 Samuele 14:3 - Mawu a Mulluku

³ Weeddiiddo oye wa mwene, wallotena nndda.” Sika Yowabu aamulleella mutthiyaanooyo mawu awi aallote.

2 Samuele 14:3 ပူးပေါင်းရင်းမြစ်များ

2 Samuele 14:19

Vano mwenoolle aakoha wi, “Ethiyo ddenndda Yowabu khanaddidduwella?” Mutthiyanoolle ahaakhulla wi, “Voollotani ddawoona apwiyaaka amwene, khaavo muthu oyo anaalephele waakhulla erive ello eyo munaakoheenyu. Oorumeyellaanyu Yowabu sika akilleelle wi keere ddenndda. Olliyooyo sika akilleelle mi mullupa muttekwaanyu aamutthiyana mawu mattheenaalla.

Eksodo 4:15

Oneeromulleella yawi allote. Kineerewuukaviherani ollota eelliinenyu nave kineerowuulleellanittho ddawi mweere.

Yeremiya 1:9

Vano Apwiya yaattaphurusa nnatta niwa ettannya vayanoni vaka ekilleella wi, “Ngoona, koohiya mawaaka muwano mwawo.

Yesaya 59:21

Kineerokeraatthiha echipangano ni nyuwaano ovenyera ollello ophiyera wa enthawi yoohimalla. Munepaaka oyo ori mwa nyuwaano navettho mawaaka ayo kaahiyalleemi muwano mwanyu, kheddiwa ddivenya muwano mwanyu apaalle mwa aniinyu apaalle mwa edduullu ddanyu wa enthawi yoohimalla.”

Yesaya 51:16

Kaahiya mawaaka muwano mwanyu, kahuutetezani ni nnatta naka. Kahaanddellella ddooddullu, kaakeraatthiha matthipello a ellapo yavatthi. Kahaalleella athu a o Ziyoni wi, ‘Muri athwaaka.’ ”

Deuteronomo 18:18

Kineerewaarumihella namallotella wonanko weyaano oovenyera mwa abaliiwa. Kineeromulleella yawi allote nave olliye aneerewaalleella athu attheene nnddo kinamulamuleemi.

Numeri 23:5

Vano Apwiya yaamulleella Balamu wi, “Hokollweella wa Balaki wamulleelle nnddo kinuulleelleemi.”

2 Samuele 14:4

Mutthiyana a o etawoni ya Tekowoolle aphiyalle wa Davide ahiikuha apopheya ekhovaaye vatthi amullapella mwenooyo nave aallota wi, “Amwene kikavihereni,”

Ezara 8:17

Vano kahaarumiha wa Ido ni wa oohoollella muullupalli a nipuro nooromolliwa Kasifiya kaalleella yawi yallote wa Ido ni abalaaye allupa mutteko a mu enyumba ya Mulluku o Kasifiya wi enirumihelle athu oorumeyella o enyumba ya Mullukwaahu.