2 Samuele 14:25 - Mawu a Mulluku

²⁵ Mu Israele mutthemwene khamwaari muthu ooreera wonanko Abishalomu. Waambeella omanyalloni ophiyera omuruni khevaarivo vanananre.

2 Samuele 14:25 ပူးပေါင်းရင်းမြစ်များ

Yesaya 1:6

Ovenyera onnyalloni ophiyera omuruni khaviivo vaphaama koma viri marudda, etthuku ni makhwata makitthi. Makhwateene ttoohihuwiwa, oohimakiwa ni oohihelliwa makhura.

Yobu 2:7

Sika Satana aavenyavo vamiitthoni va Apwiya. Vano aaya woomuhoosa Yobu ni etthuku ddoovoreya ovenyera omanyalloni ophiyera omuruni waye.

Deuteronomo 28:35

Apwiya eneerewuullakani ni ddawiipa ddoovoreya ni ddoohichiriheya m'metoni mutthemwene nave etthuku ddineerewuukhumani mwiilli muttheene ovenyera ometoni ophiyera omuruni.

Aefeso 5:27

wi iivahe yeekhaaye mpingo wookhalla ni ntitimiho, waweella ni woohikhalla ni yoonanara, woohikhalla ni nipamba apaalle mahoonya apaalle erive ello yoohikhalla phaama.

Mateyu 23:27

Nyu, awoottha, ahuddihi a malamulo ni Afarisi, mookhalla ni otulli! Muri wonanko mahame oohelliwa enjeresa ddaweella ayo enooneya aweella otte wiwa koma muwari muri mooddalla ni makhuva a mitembo ni ddeko ddimodda ddawunta.

Miyambo 31:30

Ekhove yookusa murima tti yoolleka, oreera wiwa khonallekella koma mutthiyana oowoova Apwiya sika anariihiwa.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

1 Samuele 9:2

Olliyoolla aakhalla ni mwaana nnddina Saulo, musombwe ooreera. Variyari va Aisraele attheene khevaari musombwe ooreera omukhwaranya olliyoolla. Aari oorekama vawi athu amodda attheene yamukomella m'mathurini.

Daniele 1:4

Asombwaalla yaphwanenlle okhalla ooreera, oohirakalla, eeruso va ezeru ddittheddene, oochenjera voodduwellani, oodduwella wiiwesesa ni oowora orumeyella o enyumba yoomwene, Yaahuddihe olemba ni ollota Ebabiloni.

1 Mamwene 1:6

Attiitthinnyaayo kheyaamuhumullullalle naari omodda voomukohani wi, “Kaambiiwa tini oneereewe ddiidda?” Adoniya aari mullopwana ooreera nave amuthwarellelle Abishalomu vooyariwani.