2 Samuele 14:22 - Mawu a Mulluku

²² Yowabu ahiikuha apopheya ekhovaaye vatthi, amullapella, amuthokoza mwenooyo. Vano aallota wi, “Koodduwella wi nyu apwiyaaka munnakeerella echifundo kaambiiwa mohaakhullella oveka waka.”

2 Samuele 14:22 ပူးပေါင်းရင်းမြစ်များ

Miyambo 31:28

Anaaye ennavenya enamuromolla olliye oodala nave mamunettho annamutthamalla voollotani wi,

Yobu 31:20

kaanamuvaha yoowara yooviha yoobweya, ekuwo yoovenyera o enkhosa ddaka, sika aanathokoza ni murimaaye muttheene.

Yobu 29:11

Arive muthu iiwalle dda miyaano aakeera oodalisiwa. Arive muthu akoonille aanakivaha olemu.

Nehemiya 11:2

Nave athu yahaathokoza athu attheene ayo yiivelleelle mwa opaalla wiwa wi yakhalleke mu Yerusalemu.

2 Samuele 19:39

Sika athu attheene yaallapuwa muhinje wa Yordani nave mwenooyo aallapuwattho. Vano mwene aamukhupaarella Barizilai amudalisa nave olliye aahokollweella owaniwa.

1 Samuele 20:3

Koma Davide aallupellattho wi, “Kinimallupella vamiitthoni va Mulluku! Attiittho ennadduwella wi onnakeerella echifundo sika yaaganiza wi, ‘Yonatani ahidduwelle ddenndda woova wi ttuumoriwa ethakaraka.’ Koma vamiitthoni va Apwiya nave vamiitthoni vawo variyari va miyaano ni okhwa viri wonanko nnyallo nimodda.”

Rute 2:2

Nllapo nimodda Rute aamulleella Naomi wi, “Mukaakhullelle wi kiye kamuurulle tirigu omata wa arive muthu oyo anaakeerelle echifundo.” Naomi aamulleella wi, “Khawe mwanaka.”

Genesis 6:8

Koma Nowa aheerelliwa echifundo ni Apwiya.

Genesis 47:7

Nave Yosefe ahaakusa Attiitthinnya, Yakobo, ayaana wa Farao. Nave Yakobo aamudalisa Farao.

2 Samuele 14:21

Vatulli viwa mwenoolle aamulleella Yowabu wi, “Kooganiza wi keere moollikana ni malangizwaawo. Khawe wamukuse musomboolle Abishalomu.”

2 Samuele 14:23

Sika Yowabu aatimulla anaya o Geshuri, amukusa Abishalomu, awaana o Yerusalemu.

2 Samuele 14:4

Mutthiyana a o etawoni ya Tekowoolle aphiyalle wa Davide ahiikuha apopheya ekhovaaye vatthi amullapella mwenooyo nave aallota wi, “Amwene kikavihereni,”