2 Samuele 14:11 - Mawu a Mulluku

¹¹ Vano mutthiyanoolle aallota wi, “Pepaani, muveke wa Apwiya Mullukwaanyu wi mbalaaka oyo anapaalla ohokollosella wiiphiwa wa mwanaka, ahimwiiphettho mwanaka ahanlloolla.” Davide aallota wi, “Kinimallupella vamiitthoni va Apwiya wi mwanawo khawa avoreyiwa naari vang'ono.”

2 Samuele 14:11 ပူးပေါင်းရင်းမြစ်များ

1 Samuele 14:45

Koma athu yaallota wa Saulo wi, “Iyaayi, Yonatani oophara mutteko wowaavullusa Aisraele okhotoni, vano khaniwaakhullellani wi mumwiiphe naari omuukutha. Eerilleeye ollellonndde amukavihere tti Mulluku.” Vano athu yaamuvullusa Yonatani nave khaawiiphiwe.

Mateyu 10:30

Vano nyuwaanottho naari meehi mattheene a m'muruni mwanyu aheerengiwa.

Numeri 35:19

Mbalaaye a awiiphiwooyo sika anaamwiiphe awiiphooyo akumanana.

Mitteko 27:34

Vano kinuuwatiherani wi muche yoocha vawi tti yoopaallaanyu wi mukhalle ni okumi. Khaavo muthu anaatathille naari neehi nimodda na m'muruni mwaye.”

1 Mamwene 1:52

Nave Solomoni ahaakhulla wi, “Olliye akhalla muthu ooreera murima khanimweerella erive ello yoonanara naari vang'ono koma akhalla oonanara murima aneerewiiphiwa.”

Numeri 35:21

apaalle amuukutha ni nnatta naye mwawiitanana nave mukhwaayooyo akhwa, sika wi olliyooyo tti muthu awiipha, olliyettho iiphiwe. Mbalaaye a awiiphiwooyo sika anaamwiiphe awiiphooyo akumanana.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

1 Samuele 28:10

Koma Saulo aamulonjeza mutthiyanoolle moollupella wi, “Kinimallupella vamiitthoni va Apwiya wi, khollakiwa ekaamba ya ddenndda.”

1 Samuele 20:42

Yonatani aamulleella Davide wi, “Eta phaama vawi noollupella vamiitthoni va Apwiya wi ekhalle mboni variyari va miyaano ni weyaano owaakattho edduullu ddaka ni edduullu ddawo mallapo mattheene.” Davide aatimulla nave Yonatani aahokollweella o etawoni.

Numeri 35:27

nave mbalaaye a awiiphiwooyo amuphwanya amwiipha, khiipiwa mullatu woomwiipha muthu.

Genesis 31:50

Vawi Labani aavirellella ollota wi, “Waawaahoosaka anaakaalla apaalle waatthella atthiyana amodda naari vihiri arive muthu mwa alla niriihunaalla, wuupuwelle wi Mulluku sika mboni variyari va miyaano ni weyaano.”

Genesis 14:22

Koma Abramu ahaakhulla wi, “Kinimallupella vamiitthoni va Apwiya Mulluku Amasiva Mattheene, oophatusa oddullu ni ellapo yavatthi

2 Samuele 14:10

Vano mwenoolle aallota wi, “Muthu mmodda uullotellani erive ello muweena wa miyaano nave khawa uukatamihaanittho.”

2 Samuele 14:12

Vano mutthiyanoolle aallota wi, “Mukaakhullelle mi mullupa muttekwaanyu aamutthiyana killote mawu mamodda wa nyuwaano apwiyaaka amwene.” Mwenoolle aallota wi, “Llotani moowe.”

2 Samuele 14:21

Vatulli viwa mwenoolle aamulleella Yowabu wi, “Kooganiza wi keere moollikana ni malangizwaawo. Khawe wamukuse musomboolle Abishalomu.”