2 Samuele 13:9 - Mawu a Mulluku

⁹ Vano aakusa echiwaya, awiithamo makekaayo, olliye oonaka koma Aminonooyo aakhoota ocha. Vano Aminonooyo aallota wi, “Alleelleni athu attheene evenyevo,” Sika attheene yaavenyavo.

2 Samuele 13:9 ပူးပေါင်းရင်းမြစ်များ

Genesis 45:1

Vano Yosefe khaaworillettho ovillella vamiitthoni va akaporwaayaalle. Aallota mookhuwa wi attheene ekhume muchipindanimmo. Sika Yosefe ahallillemo yeekha ni asinne aadduupullulla yeekha.

Yohane 3:20

Vawi attheene eneera ddeko ddoonanara enniitana ni owala. Nave khenawa nko ori owala kaambiiwa khenapaalla wi mitteko ddiwa ddoonanara ddooneye.

Oweeruza 3:19

Koma olliyooyo aahokollowa aphiyalle vamallukuni oosemiwa o Giligala aphiya wa mwene allota wi, “Amwene, kookhalla ni mawu wa nyuwaano oovittheya.” Sika mwenooyo ahaalamulella wi emaalleye nave ahaakhumihella vaatte attheene yiimenlle vamiitthoni vaye.

2 Samuele 13:8

Tamara aaya o enyumba ya Aminoni, murokoriye, onipuroni nko akoneeye. Aakusa othu, awoottowa, oopa makeke Aminonooyo oonaka nave aawoosa makekaayo.

2 Samuele 13:10

Vano Aminoni aamulleella Tamara wi, “Oweena yoocheeyo muchipindani wi kayichelle m'mattani mwawo.” Tamara ahaakusa makeke awaarikalleeyaayo ayaana wa Aminoni murokoriyooyo muchipindanimmo.