2 Samuele 13:26 - Mawu a Mulluku

²⁶ Vano Abishalomu aallota wi, “Vawi nyuwaano khamuyaawo, mumwaakhullelle mwanamunnaka Aminoni nithaananena.” Nave mwenooyo aakoha wi, “Kaambiiwa tini onapaalleewe wi olliyooyo athaananena?”

2 Samuele 13:26 ပူးပေါင်းရင်းမြစ်များ

Masalimo 55:21

Mawaaye ennasalala wonanko batala komave m'murimani mwaye muri ekhoto. Mawaaye ennoollowa okhwaranya makhura komave aakhalla ni masupada awiisha.

2 Samuele 20:9

Vano Yowabu aamukoha Amasa wi, “Ethiyo mbalaaka waweella waarera?” Yowabooyo aamuphara Amasoolle ereru ni nnattanatta naye wi amukhupaarelle.

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

2 Samuele 13:25

Koma mwenooyo aamulleella Abishalomu wi, “Iyaayi mwanaka nihiyeewo attheene, ninaawuuhoose.” Aheeseesa mmu ni mmu omuwatihera koma Davide khaathaananillena. Koma Davide aamudalisa Abishalomooyo.

2 Samuele 13:27

Koma Abishalomu aamuwatihera ophiyera Davide ahaakhullella wi Aminoni ni anamwana aallopwana attheene a mwenooyo eyeewo.

Miyambo 26:24

Muthu oomwiita mukhwaaye eyanwaaye ennoollowa koma m'murimani mwaye annuukella ddoolleka.

Yeremiya 9:7

Ekaamba ya ddenndda Apwiya Amasiva Mattheene enallota wi, ‘Wonanko mukoko, kineeroweeka athwaaka. Alliwa tti oochimwa, kinaawore mwawiidde waahiyerera?