2 Samuele 13:24 - Mawu a Mulluku

²⁴ Abishalomu aaya wa amwene allota wi, “Amwene, mi oorumeyellaanyu kinaya kaphareke mutteko woochema enkhosa ni athwaaka. Keehina wakhalla wooworeya nikhalle attheene, nyu amwene ni oorumeyellaanyu.”

2 Samuele 13:24 ပူးပေါင်းရင်းမြစ်များ

Masalimo 55:21

Mawaaye ennasalala wonanko batala komave m'murimani mwaye muri ekhoto. Mawaaye ennoollowa okhwaranya makhura komave aakhalla ni masupada awiisha.

Masalimo 12:2

Arive muthu annamoottottha mukhwaaye, anniisha nllumi naye, annallota ni murima mmodda.

Genesis 38:12

Viviralle enthawi, mwaara Yuda, mwaana a Suwa, aakhwa. Sika vano Yuda amallihalle winlla malirwaayo, olliye ni mukhwaaye Hira Muadulamu, yaaya o Timna woochema enkhosa ddaye.

1 Samuele 25:7

Kohiiwa wi munachema enkhosa ddanyu. Abusaanyu yaariiwa ni hiyaano wuno khanaawaawullihalle muru nave kheyaaramille ello enthawi ettheene yaariiwa o Karimele.

2 Samuele 13:23

Viviralle miyakha miilli, Abishalomu aakhalla ni athwaaye omuttekoni woochema enkhosa o Baala hazori vakhuviru ni Efuremu. Vano aawiithana anamwani a amwene attheene wi yakhallewo.

2 Samuele 13:25

Koma mwenooyo aamulleella Abishalomu wi, “Iyaayi mwanaka nihiyeewo attheene, ninaawuuhoose.” Aheeseesa mmu ni mmu omuwatihera koma Davide khaathaananillena. Koma Davide aamudalisa Abishalomooyo.