2 Samuele 13:19 - Mawu a Mulluku

¹⁹ Vano Tamara ahiihella ntuura omuruni aahulla yoowara eyo awarilleeye. Nave aaphara muru anarowa inllaka mookhuwa mawu musewu muttheene.

2 Samuele 13:19 ပူးပေါင်းရင်းမြစ်များ

Yeremiya 2:37

Muneerokhumawo wenko arive muthu miwono ddiri va muru. Vawi Apwiya ahaakhoota ayo munaaroromelleenyu nave khamuphuramo ello mwa alliwa.”

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

2 Samuele 1:11

Enthawi yeeyo Davide aaphara ddoowara ddaye aahulla. Nave athu ayo yaari ni Davide yaheera emoddamoddave yeeyo.

2 Samuele 1:2

Nllapo naneeraru aamoona akhoto oovenyera o mulloko wakhoto wa Sauli. Aawara matapwata nave ahiihella ethaya m'muruni mwaye wooniha omoriwa ethakaraka. Aphiyalle wa Davide aakokhora amuvaha olemu.

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Yobu 2:12

Voomoonellani voorekama Yobu kheyaamudduwenlle, sika yahoopa ekutho. Yahaahulla mikanjo ddiwa, yiihella nthupi omuruni.

Estere 4:1

Mordekai iiwalleeye ddittheddene ddeereyillennddo, ahaahulla ddoowara ddaye, awara nthumba ni wiihella ntuura ekaamba ya ethakaraka. Aaya avollowa muwari mwa muzinda, inllaka mookhuwa ni moovoreyiwa murima wunchichi.

1 Samuele 4:12

Muthu mmodda a nlloko na Benjamini aathawa okhotoninko aphiya o Shilo nllapo nenno. Aari aahullalle ddoowara ddaye nave ahiihella ethaya m'muruni wooniha wi anamoriwa ethakaraka.

Genesis 37:29

Vano Rubeni ahokollweelle wiihimeni wulle amuphwanyille Yosefe ahiimo. Vaavo ahaahulla ddoowara ddaye moomoriwa ethakaraka.

2 Samuele 13:20

Abishalomu, murokora a Tamarooyo, aamukoha wi, “Ethiyo tti Aminoni aweerenlle ddenndda. Maalla murokoraka, olliyoolle tti murokoriyo, ddenndda ddihiwaapheellihe muru wunchichi.” Sika Tamara akhalla wonanko naamukhwelle o enyumba ya Abishalomu murokoriye.