2 Samuele 12:9 - Mawu a Mulluku

⁹ Kaambiiwa tini ovevullalleewe mawu a Apwiya vaweerani ddoonanara vamiitthoni viwa? Woomwiipha Uriya Muhiti ni nsupada nave woomutthella mwaariye. Woomweeriha wi Aamoni emwiiphe.

2 Samuele 12:9 ပူးပေါင်းရင်းမြစ်များ

1 Samuele 15:19

Kaambiiwa tini muhiiwellelleenyu mawu a Apwiya? Kaambiiwa tini mwathamakenlleenyu ddawaakha okhotoni ni weera ddoonanara vamiitthoni va Apwiya?”

Amosi 2:4

Apwiya enallota wi, “Ekaamba ya ddoolakwa ddiraru dda athu a o Yuda apaalle ddisese ngihiya waallaka. Aavevulla ohuddiha waka, kheyaawiiwellelle malamulwaaka, milluku ddawoottha nnddo makhollwiiwa yaddillapelliiwa ddohaahollosa.

Yeremiya 18:10

koma mutundooyo waavirellellaka weera ddoonanara vamiitthoni vaka, ohiiwellella mawaaka ngiweerella ddaphaama nnddo kaganizelleemi.

Masalimo 90:8

Moohiya machimwaahu vamiitthoni vanyu, ddoonanara ddahu ddoovittheya mooddoonihella vaweella.

1 Samuele 15:23

Owukila tti ochimwa wonanko woombesa makhanga. Wiitukhulla tti ochimwa wonanko ollapella milluku ddooromolliwa terafimu. Vawi wookhoota weera nnddo Apwiya yuulleelliiwa, aaganizattho wi weyaano ohikhalle mwene.”

Yesaya 5:24

Sika wonanko munllo onoonongelliiwa muttatthi ni manasi, emoddamoddave yeeyo musisiiwa oneerewunta nave malluwiiwa eneeronyaalla ni ovava wonanko nthupi kaambiiwa yaakhoota malamulo a Apwiya Amasiva Mattheene nave yaavevulla mawu a Aweella a Israele.

2 Samuele 11:4

Sika Davide ahaarumiha amithenga wi yamukuse mutthiyanooyo. Yaawana wa Davide nave Davidooyo aakonana. (Enthawi yeeyo mutthiyanooyo aari amallihaka wene woona mweeri.)

Masalimo 51:4

Kohuuchimwellani nyuwaano, nyuwaano nyookha, koheera ddoonanara vamiitthoni vanyu. Wi mukhalle oolungama vaweeruzani, mukhallettho aweella vaweeruzani vookamullani mullatwaaka

2 Epilli 33:6

Nave ahaavelleella anaaye aallopwana wi ekhalle mukutho wooshellelliha va ntapo na Mwaana a Hinomu nave aaneera dda masenga ni woombesa makhanga ni wiiwanana ni athu oollota ni minepa navettho ni akhwiri. Aheera ddoonanara ddinchichi vamiitthoni va Apwiya nnddo aashihalleeyena murima.

2 Samuele 12:10

Ekaamba ya yeella ekhoto khewa emalla vanibanjani vawo kaambiiwa wookivevulla miyaano nave woomutthella mwaara a Uriya Muhiti.

1 Samuele 15:26

Koma Samuele aamwaakhulla Saulo wi, “Khanithaanana vawi mwaakhoota wiiwellella mawu a Apwiya, alliwattho ahuukhootani wi muhikhalle mwene owaalamulella Aisraele.”

2 Samuele 16:7

Shimei vooruwanani eehina, “Venyavo, venyavo, we muthu oowiipha athu, muthu oonanara.

1 Mamwene 15:5

Apwiya yaheera ddenndda kaambiiwa Davide aaneera ddaphaama nave khaakhootille erive ello yamulamulalliiwa mallapo mattheene a okumaaye opatula mwaha wa Uriya Muhiti.

1 Mamwene 21:19

Vano wamulleelle wi Apwiya enuukoha wi, ‘Ethiyo khewiiphalle ni waakhattho?’ Wamulleellettho wi Apwiya eni ‘Vanipuroni mvo anapwa yallanddiiwa nikhame na Naboti, vaavottho eneerollanndda nikhame nawo.’ ”

Masalimo 51:14

Mukaakihe o mullatu wa nikhame, nyu Mulluku, Mulluku oovullusaaka, kineerowelliha mawaaka vawiipani dda ovullusa wanyu.

Masalimo 51:16

Khohiyo mukutho shisha oyo onuuhakallallihani nyuwaano. Kavelleelleke mukutho wooshellelliha, nyuwaano khamwaahakallallena.

Miyambo 14:2

Oyo aneeta mwawookowa annawoova Apwiya koma aneeta mookhoromana annaavevulla.