2 Samuele 12:7 - Mawu a Mulluku

⁷ Natani aallota wa Davide wi, “Muthooyothi tti nyuwaano. Apwiya Mulluku a Israele, enallota wi, ‘Miyaano kahuuzoza wi okhalle mwene a Aisraele nave kahuuvullusa m'mattani mwa Saulo.

2 Samuele 12:7 ပူးပေါင်းရင်းမြစ်များ

Mateyu 14:14

Yesu akhumalleeye mukallawanimmo, aawoona mulloko wa athu muullupalloolle nave ahaamorella ethakaraka nave ahaachiriha oovoriiwiiwa.

1 Samuele 16:13

Samuele aakusa yookusellamo makhura, amuzoza vamiitthoni va asinne. Nave Munepa wa Apwiya waamuvollowa Davide mwamasiva waambeella nllapo nenno oya muhoollo. Vatulli viwa Samuele aatimulla oya o Rama.

2 Samuele 22:1

Nllapo nno Apwiya yamuvullusalliiwa wa adanaaye attheene owaaka wa Saulo,

1 Mamwene 20:42

Vano namallotellooyo aamulleella wi, “Apwiya enallota wi, ‘Vawi woomuthawiha muthu oyo kalamunleemi wi iiphiwe, munipuroni mwaye oniiphiwe tti weyaano nave athwaawo eneerewiiphiwa munipuroni athwaaye.’ ”

1 Mamwene 18:18

Eliya ahaakhulla wi, “Mi nginamuhoosekevo Israele. Koma nyuwaano ni nibanja na attiitthaanyu sika mukhanlle mwaahoosaka Aisraele attheene kaambiiwa mwaahiya malamulo a Apwiya ni othwara malamulo a Abaala.

2 Samuele 22:49

Nyu sika mwakivullusalle wa adanaaka, mwaakiwelliha okhwaranya ookiwukila, mwaakaakihera wa athu eekuku.

2 Samuele 7:8

Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka, Aisraele.

1 Samuele 23:14

Davide iipittha m'makhunguni mu ellapo yamiyaango muchipululuni mwa Zifi. Saulo aavirellella omwaashaasha koma Mulluku khaawaakhullelle wi Davide aphariwe.

1 Samuele 23:7

Saulo iiwalle wi Davide ari o Keila, aallota wi, “Mulluku ookivaha wi kimwiiphe. Ohiikoliha yeekhaaye m'musamphani voovollowani mu muzinda oyo ori ni mpanda nave mullakwiiwa onawalleya ni mikoko ddoollipa.”

1 Samuele 18:21

Aaganiza wi, “Kimwinnye Davide amutthelle wi akhalle musampha wawi Afilisti emwiiphe.” Ella sika ekaambiiwa Saulo amulleelleeye Davide waneepiilli wi, “Vano oneerokhalla mukamwenaaka.”

1 Samuele 15:17

Samuele aallota wi, “Naari muddoonaka wi muri oohipaalleya wunchichi vamiitthoni va athu koma muri oohoollella malloko mattheene a Aisraele. Apwiya yahuuzozani wi mukhalle mwene owaalamulella Aisraele.

1 Samuele 13:13

Samuele aamulleella wi, “Moheerathi ddookarangeya, khamuthwarihalle nnddo Apwiya Mullukwaanyu, yuulamulalleniiwa. Mwathwarihalleke, yeerokeraatthiha omwenaanyu wi mwaalamulelle Aisraele enthawi yoohimalla.

Masalimo 18:1

Kinnuukondani Apwiya, masivaaka.

1 Samuele 18:11

Saulo aaganiza wi, “Kimuhome mompataaniha ni esiri.” Aamuvokhella Davide nivakanno wookwakhwana wiilli Davide arapaka.

2 Samuele 14:13

Mutthiyanoolle aakoha wi, “Kaambiiwa tini munaganizeenyu oweerella ddeko ddawi ddiidda athu a Mulluku? Vawi mweera ddiidda munaddiipa mullatu nyookha kaambiiwa khamumwiithanille awiikariwoolle wi ahokollweelle owaniwa.

1 Mamwene 14:7

Khawe wamulleelle Yerobowamu wi Apwiya Mulluku Aisraele enallota wi, ‘Naari kawunnuwihalle variyari va athu ni oweera mwene a athwaaka Aisraele

Daniele 4:22

Nyu amwene, muteekhooyo tti nyeene vawi mootthattuwa muullupalli ni amasiva. Ottekweenaanyu woophiya oddullu, omwenaanyu woophiya o malire mattheene a ellapo yavatthi.

1 Mamwene 20:40

Mvo mi oorumeyellaanyu kaphareemi mva ni mva, muthooyo aathawa.” Sika Ahabu, mwene a o Israele aamulleella wi, “Mullatwaawo onuuvaanyiha weekha, woohiihumullulla weekha.”

Yeremiya 34:6

Vano ddittheddenenndda namallotella Yeremiya aaya amulleella Zedekiya mwene a o Yuda, o Yerusalemu.