2 Samuele 12:16 - Mawu a Mulluku

¹⁶ Sika Davide aamuvekellella mwaanooyo wa Mulluku. Aahalla ocha,* avollowa mpa, akonaatthi vatthi mahiiyu mattheene.

2 Samuele 12:16 ပူးပေါင်းရင်းမြစ်များ

2 Samuele 13:31

Enthawi yeeyo mwenooyo ahaahulla ddoowara ddaye, iivokhella vatthi. Oorumeyellaaye ayo yaari vakhuviru, alliwattho yahaahulla ddoowara ddiwa.

Mitteko 9:9

Akhanlle mallapo mararu ahoonaka nave enthawi yeeyo khaachille naari owirya ello.

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Masalimo 69:10

Kiiyeviheemi voohallani ocha, athu yaakivevulla.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

2 Samuele 12:22

Davide aallota wi, “Mwanaka aariiye mukumi, kaanakhoota ocha nave kaaninlla vawi keehina, ‘Anadduwella ttaani, mwaamodda apaalle Apwiya ttuukeerella echifundo wi, mwaanooyo akhalle mukumi?’

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

2 Samuele 12:15

Vano Natani aarowa owaniwa. Vano Apwiya yaamullaka mwaana a Davide oyo ayariwe mwa mwaara a Uriya, wawi aavoriiwa wunchichi.

Nehemiya 1:4

Kiiwalleemi mawu yaalla, kaakeraatthi kininlla. Kahinlla nave kaahalla ocha* wa mallapo manchichi nave kaavekella wa Mulluku ooddullu.

Daniele 6:18

Mwene aahokollweella o enyumbaaye yoomwene. Koma aahalla ocha* mahiiyu mattheene naari ddoohakallalliha kheyaawiillena vamiitthoni vaye nave khaakonne.

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.