2 Samuele 12:13 - Mawu a Mulluku

¹³ Davide aallota wa Natani wi, “Kohaachimwella Apwiya.” Natani aallota wi, “Apwiya ahuukhululukellani machimwaanyu, khamukhwa.

2 Samuele 12:13 ပူးပေါင်းရင်းမြစ်များ

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Masalimo 51:4

Kohuuchimwellani nyuwaano, nyuwaano nyookha, koheera ddoonanara vamiitthoni vanyu. Wi mukhalle oolungama vaweeruzani, mukhallettho aweella vaweeruzani vookamullani mullatwaaka

2 Samuele 24:10

Vatulli viwa Davide ahiivaanyiha m'murimani mwaye, oweerenga athu wulle omanlle. Vano aavekella wa Apwiya wi, “Koochimwa wunchichi vaweerani yeella. Koma vano, nyu Apwiya, kinuuvekani wi mukikhululukelle nichimo na mi oorumeyellaanyu. Vawi koheera ddookarangeya wunchichi.”

Zekariya 3:4

Vano mungelo ahaalleella akhwaaye oomuvelleella wi, “Murulleni ddoowara ddaye ddanihiryonnddo.” Vatulli viwa aamulleella Yoswa wi, “Ngoona kohuuvenyihella machimwaawo, vano kinuuwarihe ddoowara ddooreera.”

Luka 15:21

Vano mwaanooyo aallota ni attiitthinnyaayo wi, ‘Attiitthaaka, kaamuchimwella Mulluku ni nyuwaano. Nginaphwanellattho oromolliwa wi mwaninyu.’

1 Samuele 15:30

Vano Saulo aallota wi, “Mi koochimwa komave mukivahe olemu vamiitthoni va owaahoollella athwaaka ni vamiitthoni va Aisraele attheene nave mwaarowaka nithaanane wi kaallapelle Apwiya Mullukwaanyu.”

Levitiko 20:10

“Muthu araruwa ni mwaara amwaneena, mullopwanooyo ni mutthiyanooyo attheene yiiphiwe.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Aheberi 9:26

Khrisitu iiheraatthiki mukutho orive muyakha ddaano ahoowaka orive muyakha ovenyera mvo ellapo yavattheella yaphatuselliwiiwa. Koma vano akhwille omoddave waatamella o omamallihello wa ellapo yavatthimva wi iiheraatthi mwaneenaaye mukutho woohuwa machimo.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Mitteko 2:37

Athwaalle yiiwalliiwa ddenndda, yaahoowa m'murimani mwiwa nave yaamukoha Petro ni amurummwa amoddaayo wi, “Vano neere tini, akhwiihinyu?”

Mateyu 14:10

Sika aalamula wi Yohane aphaddiwe muru mundende.

Maliro 3:32

Naari yaallakaka mweekuku, koma eneerewooniha echifundo, ekaamba ya echikondiiwa yoohisintheya.

Yesaya 44:22

Kooddivenyihavo ddoolakwa ddawo wonanko murapo, machimwaawo wonanko ethapo, hokollowella wa miyaano vawi koowoopolla.”

Yesaya 43:24

Khawakikullenlle ddeko ddawunkhella, khawaakikwakhwanihelle ni makhura a mikutho ddanyu. Koma munipuroni mwene wookillemella ni machimwaawo, wookitopiha ni ddoolakwa ddawo.

Yesaya 38:17

Ngoonani, kahoona ovoreya wi kikhalle phaama, moovullusa okumaaka o mahame, mohaatathillella machimwaaka mattheene otulli wanyu.

Miyambo 25:12

Wa muthu awaapella maaru, ohumullulla weezeru tti wonanko endolo ya golide apaalle erive ello yawiireerihella ya golide.

Masalimo 51:16

Khohiyo mukutho shisha oyo onuuhakallallihani nyuwaano. Kavelleelleke mukutho wooshellelliha, nyuwaano khamwaahakallallena.

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

2 Epilli 16:10

Vaavo Asa aamushella murima oollohellooyo nave aamumaka amuhiya mundende. Nave enthawi yeeyo Asa ahaahoosa athu amoddattho.

2 Mamwene 1:9

Vaavo mwene aamuruma akhoto muullupalli mmodda ni athwaaye 50 wa Eliya. Olliye aaya wa Eliya, amuphwanya akeraatthille vamwaangoni. Aamulleella wi, “Nyu muthu a Mulluku, mwene anuulamulani wi mukitthe.”

1 Mamwene 22:8

Ahabu aamulleella Yehoshafati wi, “Ookhallavo Mikaya mwaana a Imila. Koma kinniitanana kaambiiwa khanallotella ddaphaama dda miyaano, erive enthawi ddoonanarave.” Yehoshafati aamwaakhulla wi, “Ohilloteke ddiiddo.”

1 Mamwene 21:20

Vano Ahabu aamukoha Eliya wi, “Ethiyo we mudanaaka, wookiphwanya?” Eliya ahaakhulla wi, “Ee, kohuuphwanyani, kaambiiwa khaavo naari mmodda iikullihalle weera ddoonanara vamiitthoni va Apwiya wonanko nyuwaano.

1 Mamwene 13:4

Mwene Yerobowamu iiwalle ddennddo allota muthu a Mulluku dda nikuwa na Betele aattaphurusa nnatta naye allota wi, “Mphareni!” Nave nnatta anittaphurusalleeyenno nahumma wawi khaawonre onihokollosa.

1 Samuele 15:20

Saulo aallota ni Samuele wi, “Iyaayi, miyaano kahaathwara mawu a Apwiya, kaayaawo keera nnddo Apwiya yakirumalliiwa. Kaamuphara Agagi mwene Aamaleke ni owiipha Aamaleke attheene.

Levitiko 24:17

“Arive muthu anamuukutha muthu ni omwiipha, olliyettho iiphiwe.

Luka 18:13

“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

Genesis 39:9

nave olamulello wa ddittheddene dda mpammu ori m'mattani mwaka, ohiri m'mattani mwaye. Khakiimanille erive ello opatula nyuwaanove vawi muri amwaariwa. Miyaano ngiwora weera ello yoonanara yawi ddiidda ni omuchimwella Mulluku.”

1 Epilli 21:8

Vano Davide aallota wa Mulluku wi, “Koochimwa wunchichi vaweerani yeella. Sika vano kinimuuvekani wi mukikhululukelle nichimo na mi oorumeyellaanyu vawi koheera ddookarangeya wunchichi.”

Masalimo 103:12

Mmo murekamellane wookhuma nndduwa ni woovollowa nndduwa, Tti mmo Apwiya enarekamellihiiwa machimwaahu.

Eksodo 9:27

Vano Farao aamwiithana Mose ni Aroni aalleella wi, “Ddawoona koochimwa. Apwiya tti ookhoza koma miyaano ni athwaaka, attheene niri oochimwa.

2 Samuele 24:17

Davide aamoona mungeloolle nave aallota ni Apwiya wi, “Mi sika kichimwalle nave koheera ddoonanara. Koma enkhosanndda ddilakwille tini? Vano nnatta nanyu nikillake mi ni nibanja na attiitthaaka.”

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.