2 Samuele 12:11 - Mawu a Mulluku

¹¹ Vano mi Apwiya kinallota wi kineerewuumorihella ddoonanara vanibanjani vawo vaavo. Kineerowaakha awariyo, weyaano woonaka, kimwinnye mukhwaawo nave aneerokona ni awariywaayo nndduwa noopaka!

2 Samuele 12:11 ပူးပေါင်းရင်းမြစ်များ

Deuteronomo 28:30

“Muneeromutomela mutthiyana koma anaamutthelle tti muthu mmodda. Muneeromaka enyumba koma oohikonamo. Muneerewaalla mpesa koma ezipaso ddampesannddo oohichana.

2 Samuele 15:10

Koma Abishalomu ahaarumiha amithenga mwawiipittheya o malloko mattheene a Aisraele yallotaka wi, “Mwiiwa winlla wa nipallapata, mukhuwe wi, ‘Abishalomu sika ari mwene a o Hebroni’ ”

2 Samuele 15:6

Mmo sika Abishalomu eerelleeye ni Aisraele attheene ayo yaawa wa mwene wi yeeruziwe. Vano Aisraele anchichi yaanamukonda wunchichi Abishalomu.

Ezekiele 14:9

“Namallotella allekiwa anallotella, tti miyaano kimullekille. Sika kineeromoononga nave kineeromuvenyiha variyari va athwaaka Aisraele.

Deuteronomo 17:17

Nave mwene ahikhalle ni atthiyana anchichi wi murimaaye ohihollowe navettho ahiddoonjerere siliva ni golide.

2 Samuele 15:14

Vano Davide ahaalleella akhoto ayo aariiyena o Yerusalemunko wi, “Timullani, hankoni nithawe wi ninaawe nirame mpata woomuthawella Abishalomu. Akuvani, woova wi aniphwanya mwawaakuva nave aneeroniipha attheene m'muzindanimmu.”

2 Samuele 16:11

Vano Davide aamulleella Abishai ni oohoollellaaye wi, “Mwanakamwanaka anapaalla okiipha, yoomuvaanyiha tti tini mbenjaminoolla? Muhiyeni aruwaneke vawi emulamulalle tti Apwiya wi eereke ddiiddo.

Yobu 31:10

vano mwaaraka amusillelleke mmodda, olliye akoneke ni allopwana amodda.