2 Samuele 11:8 - Mawu a Mulluku

⁸ Vano Davide aamulleella Uriya wi, “Khawe owaninyu wiithuuwe.” Uriya aakhuma o enyumba ya mwene nave mwenooyo aarumiha emphaso wa Uriya.

2 Samuele 11:8 ပူးပေါင်းရင်းမြစ်များ

Genesis 18:4

Asimaaddi vang'ono ewe wi muhuwe manyallo. Mweereke mwiithuuwaka vamuteekhonimva.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Luka 12:2

Erive ello yawiipittheya vano eneerewuupullulliwa navettho erive yookhuweya eneerodduwanyeya.

Luka 7:44

Vano aamuweha mutthiyanoolle allota ni Simoni wi, “Onnamoona mutthiyanoolla? Miyaano kaavollowa mpa mwawo nave khamwaakivahille maaddi oohuwella manyallo. Koma olliyoolla oohuwa manyallwaaka ni miitthori ddaye nave oopukuta ni meehaaye.

Yesaya 29:15

Otulli wa athu ayo eniipitthiha maganizwiiwa vamiitthoni va Apwiya, ayo eneera mitteko ddiwa mwiipiphini ni ollota wi, “Ttaani ananoona ni odduwella nineereehu?”

Masalimo 55:21

Mawaaye ennasalala wonanko batala komave m'murimani mwaye muri ekhoto. Mawaaye ennoollowa okhwaranya makhura komave aakhalla ni masupada awiisha.

Masalimo 44:21

ethiyo Mulluku khaaddiphwanye ddenndda? Vallethi annadduwella ddawiipittheya dda m'murimani.

Masalimo 12:2

Arive muthu annamoottottha mukhwaaye, anniisha nllumi naye, annallota ni murima mmodda.

Genesis 43:34

Yoocheeyo yakawiwa ovenyera va tebulo ya Yosefe koma yoocha yoovelleelliwa wa Benjamini yaari yawaata wonanko ya athu atthanu. Sika attheenaayo yaacha ni owirya ni Yosefe ophiyera yaavona nave yaahakallalla nimodda ni olliye.

Genesis 43:24

Kaporooyo avollowillena allopwanaayo mpa mwa Yosefe ahaavaha maaddi wi ehuwe manyallwiiwa nave ahaachihattho abulwiiwaalle.

Genesis 19:2

nave aallota wi, “Pepaani apwiyaaka, hankoni mwaphiye o enyumba ya kaporwaanyu, mwahuwe manyallo nave mwakone wenko. Ohinase wasa, muneerokhwaranya ni olendwaanyu.” Koma alliwa yahaakhulla wi, “Iyaayi, hiyaano ninaakone vaatte m'muzindani mwemmu.”