2 Samuele 11:2 - Mawu a Mulluku

² Nllapo nimodda misikuwa, Davide aavenya vabedini vaye, aneeta vaddullu va enyumbaaye yoomwene. Ari vaddullumvo aamoona mutthiyana ahapaka. Mutthiyanooyo aari ooreera wunchichi.

2 Samuele 11:2 ပူးပေါင်းရင်းမြစ်များ

Mateyu 5:28

Koma miyaano kinuulleellani wi, arive muthu anamuweha mutthiyana navettho anamupaalla, ooraruwana khalle m'murimani mwaye.

Masalimo 119:37

Hiihani miitthwaaka wi ehiweheke etthiru, kivaheni okumi moollikana ni mmo mwalonjezelleenyu.

1 Yohane 2:16

Erive ello enakhalla mu ellapo yavatthi wonanko minkhella ddoonanara, ddoopaalla dda athu ni nnddo enooniiwa ni erive ello ya mu ellapweella eyo athu enakotelliiwa, ddittheddenenndda khaddinavenyera wa Attiitthiihu koma ddinavenyera mu ellapo yavatthi.

Mitteko 10:9

Osaka wene eri voolendoniiwoolla nave yaatamelliiwa o Yopa, enthawi ya 12 koloko otthaana Petro aawella vaddullu va enyumba wi avekelle.

Miyambo 6:25

Ohikuseyeke murima ni oreera waye, ohikopeyeke ni miitthwaaye.

Yobu 31:1

Kaakeraatthiha echipangano ni miitthwaaka, ngiwa kimuweha namwalli moomusilila.

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

Miyambo 31:30

Ekhove yookusa murima tti yoolleka, oreera wiwa khonallekella koma mutthiyana oowoova Apwiya sika anariihiwa.

Deuteronomo 22:8

“Mwaamakaka enyumba yanaanweene, moonesese wi moomaka mwanampanda vaddullu waapheella embali ddittheddene dda epattho. Sika vaavo khemwiipiwa mullatu woomwiipha moohidduwella mmodda amora vaddullumvo, akhwa.

Genesis 3:6

Vano mutthiyanooyo oonilleeye wi muteekhooyo waari wooreera, ezipasonnddo ddaari ddoophwanella oddiva voochani nave wi ezipasonnddo ttuumweeriha wi akhalle eezeru, sika aarukullawo ezipaso dda muteekhooyo nave aacha. Vano ddimodda aaya amuvaha mamune nave olliyettho aacha.

Mateyu 10:27

Nnddo kinuulleelleemini mwiipiphini nyuwaano munaphwanella muddiwulule vawooneya navettho nnddo muniiweenyu ddillotiwaka moonong'ona wa nyuwaano munaphwanella muddillalleye vaddullu va enyumba.

Yeremiya 19:13

Enyumba dda o Yerusalemu ni dda mamwene a o Yuda kineerodditthattusa ddooripihiwa wonanko Tofeti kaambiiwa tti enyumba nnddo vaddullu viwa yooselliiwavo lubani wa etheneeri ddooddullu, enavelleella mikutho ddoowirya wa milluku ddimodda.”

Miyambo 19:15

Waapaalla, khalla oolesi, konaka koma oneerovolliwa ettalla.

2 Samuele 4:7

Koma voovollowani, yamuphwanye Ishibosheti akonaka vabedini vaye. Alliwaayo yaamuhoma emwiipha nave emuphadda muru. Yaatukhulla murooyo yeetana mahiiyu mattheene oyeella ettilla ya o Araba.

Genesis 34:2

Shekemu, mwaana a Hamori Muhivi mwene a echigawo ya ellapweeyo, amoonille namwallooyo, aakonana momupharella.

Genesis 6:2

anamwani aallopwana a Mulluku yahoona wi anamwalli a athwaayo yaari ooreera, sika yahaamba waatthella ayo yaakondilliiwa.

2 Samuele 4:5

Vano Rekabu ni Baana, anamwani a Rimoni o Beeroti, yaatimulla otthaana, nndduwa niri vamuru, yaphiya wa Ishibosheti. Enthawi yeeyo Ishibosheti aari iithuuwaka.

1 Samuele 9:25

Yakitthalliiwa ovenyera o nipuro noollapellawo eya yavollowa m'muzindani, Saulo yaamwanddellellella bedaaye vaddullu va enyumba ya Samuele.

Genesis 39:6

Sika vano Potifara aahiya ddittheddene aariiyena m'mattani mwa Yosefe, mwawittho khaapwatha erive ello, opatula yoochave eyo acheeye. Yosefe aari awooneya phaama ni ooreera.

Mateyu 24:17

Oyo ari vaatte ahiselliwe ni ovollowa mpa wi akuse ddeko ddaye.

Genesis 12:11

Eri vakhuviru ollapuwa malire a ellapo ya Iguputo, aamulleella mwaariye Sarai wi, “Kinnadduwella wi weyaano ori mutthiyana ooreera.

Deuteronomo 5:21

“Ohimusilile mwaara a mukhwaawo. Ohisilile enyumbaaye, emataaye, mullupa muttekwaaye aamullopwana, mullupa muttekwaaye aamutthiyana, eng'ombaaye, bulwaaye apaalle erive ello ya mukhwaawo.

2 Samuele 13:1

Abishalomu aakhalla ni murokoriye ooreera, nnddina naye Tamara. Aminoni, mwaana mmodda a Davide, aanamukonda Tamara

2 Samuele 14:27

Abishalomu aakhalla ni anamwani aallopwana araru ni mwaana aamutthiyana mmodda nnddina naye aari Tamara. Olliyoolla aari mutthiyana ooreera.

Miyambo 7:8

Eeta mu ettilla yawaatamana ni makhullukano a enyumba ya mutthiyana, m'musewuni wooya onyumbani waye.