2 Samuele 1:23 - Mawu a Mulluku

²³ “Saulo ni Yonatani yaari ookondiwa ni oohakallalliha, okumiiwa muttheene kheyaamwallana nave yakhwiiwa yaari attheene. Yaari awaakuva okhwaranya epallame yampungu, amasiva okhwaranya mikango.”

2 Samuele 1:23 ပူးပေါင်းရင်းမြစ်များ

Yeremiya 4:13

Ngoonani, adani enimawa wonanko mirapo nave magaretiiwa ennathamaka wonanko namangalle. Akavalwiiwa ennathamaka wunchichi okhwaranya mipungu. Otulli, nohoonongeya!

Oweeruza 14:18

Sika athu a m'muzindanaalle yaamulleella Samisoni va nllapo naneetthanu ni piilli nndduwa nihinavollowe wi, “Tti tini eri yoonang'aneya okhwaranya enwi? Tti tini eri yamasiva okhwaranya mukango?” Samisoni ahaalleella wi, Mwahaallimalleke ni musote wang'ombaaka, khamwaawore ottaphullella mwamboolla.

Maliro 4:19

Athu oonithwara manyallo yaari awaakuva, okhwaranya mipungu ddoovava muddullu. Yaaniikariha omiyaangoni, yaanniipitthella muchipululuni wi enisikite.

Miyambo 30:30

mukango, oyo ori wamasiva okhwaranya enama ddittheddene khonarapella erive ello,

Yobu 9:26

Ennaakuva wonanko ekallawa yoothamaka, wonanko neekhwaambe anaphara enama.

1 Samuele 18:1

Davide amallihalle ollota ni Saulo, Yonatani ahaattana wunchichi ni Davide vawi Yonatani aamukonda Davide wonanko iikondelleeye yeekhaaye.

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

1 Epilli 12:8

Akhoto amodda amasiva oovenyera o ellapo ya Gadi yaaphiya wa Davide ompandani waye wa mu echipululu. Alliwa yaari akhoto eeruso voopharihani mutteko echishango ni nivaka nave ekhove ddiwa ddaari ddawoopiha wonanko ekhove dda mikango nave yaanathamaka wunchichi wonanko epaalla a m'miyaangoni.

2 Samuele 23:20

Nave Benaya, mwaana a Yehoyada, a o Kabizeele aari muthu oollipa murima nave aphara mitteko dduullupalli. Olliye aawiipha akhoto eelli oovuwa a o Mowabu nave ahiipha mukango mu nlliti enthawi yooriirya.

1 Samuele 20:2

Yonatani aamwaakhulla wi, “Khokhwa iyaayi, attiitthaaka kheni ewiiphe weyaano ehinakilleelle miyaano vawi kheneera erive ello, eng'onong'ono apaalle yuullupalli, ehinakilleelle miyaano. Enaavitthelle tini ella oohikilleella? Khe ddawoona ddennddo.”

2 Samuele 2:18

Anamwani araru a Zeruya, Yowabu, Abishai ni Asahele yaari wenko. Asahele aari oothamaka wunchichi wonanko naahe.

2 Samuele 1:24

“Nyu atthiyana a mu Israele, mwinllelleni Saulo, kaambiiwa aheeriha wi muwareke ddoowara ddaphaama, ddoofiira, wi mureeriheke ddoowara ddanyu ni golide.

Nchipo na Solomoni 5:16

Muwano mwaye tti moonang'aneyesesa, ddawoona, olliye tti oosilileyesesa. Olla tti ookondiwaaka, tti mukhwaaka a vamurimani, nyu anamwalli a o Yerusalemu.