2 Samuele 1:14 - Mawu a Mulluku

¹⁴ Davide aamukohattho wi, “Yahiwoovihalle tti tini owiipha apwiya, oozoziwa* ni Apwiya?”

2 Samuele 1:14 ပူးပေါင်းရင်းမြစ်များ

1 Samuele 26:9

Koma Davide aamulleella Abishai wi, “Iyaayi ohinamwiipha. Vawi Apwiya eneeromullaka oyo anaamuvoreye mwene, oozoziwa* a Apwiya.”

2 Petro 2:10

Makamaka ayo enathwara minkhella ddiwa ddoonanara dda omuthu nave enavevulla olamulello wa Mulluku. Ahuddihi awoottha yaalla tti awiitukhulla ni awiiwa ddayiwave nave khenavelleella olemu wa ootitimiheya ooddullu koma enamullotella epewe.

Masalimo 105:15

Yaallota wi, “Muhaattannye oozoziwaaka,* muhiweerelle yoonanara anamallotellaaka.”

1 Samuele 31:4

Nave Saulo aamulleella ootukhulla ezida ddaye ddakhoto wi, “Hullulla nsupada nawo, okihomena, woova wi oohiphaddiwa ttuukihoma nave ttuukittheelliha.” Koma ootukhulla ezidooyo, aakhoota vawi aamoova. Sika Saulo aakusa nsupada naye, amorellavo.

1 Samuele 24:6

Vano ahaalleella athwaaye wi, “Wakhalla wooworeya Apwiya ekikavihere wi kihimweerelle yoonanara mwene Saulo, apwiyaaka oozoziwa* ni Apwiya. Kihinamuvoreya vawi tti oozoziwa ni Apwiya.”

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

1 Samuele 10:1

Vano Samuele aakusa yookusella makhura, aahella makhuraayo va muru va Saulo amukhupaarella allota wi, “Apwiya ahuuzoza wi okhalle mwene a athwaaye, Aisraele. Oneerewaalamulella athu a Apwiya ni waavullusa wa adaniiwa attheene. Echizindikiro yawi Apwiya ahuuzoza wi okhalle mwene a yoohallanaaye tti yawi,

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

1 Samuele 26:11

Koma wakhalla wooworeya Apwiya ekikavihere wi kihimweerelle yoonanara mwene, oozoziwa ni Apwiya. Koma vano nikuse nivaka ni muno wa maaddi nnddo ddiri omuruni waye nave niroweke.”

Maliro 4:20

Oozoziwa* a Apwiya ayo aari mpweya wookumi, aamakiwa m'musamphani mwiwa. Oyo nalloteehu wi, “Mu muuthuuchaaye nneerokhalla variyari va athu amitundu ddimodda.”

1 Samuele 24:7

Vano Davide allotilleeye mawu yaalla athwaaye yaamwiiwellella nave kheyaamweerelle erive ello yoonanara. Vano Saulo aakhumamo munikhunguni mulle anakhwaranya olendwaaye.

1 Samuele 24:11

Attiitthaaka, ngayooneni echigamba ya otthoka wa mukanjwaanyu ella eri m'mattani mwaka. Vano mudduwelle wi m'murimani mwaka khamuri yoopaalla weera yoolakwa apaalle wuuwukilani vawi koophadda echigamba ya mukanjwaanyu koma wohiwiiphani. Miyaano nguulakwenlleni ello naari nyuwaano mukaashaashaka wi mukiiphe.