2 Samuele 1:12 - Mawu a Mulluku

¹² Vano athwaayo yahoopa ekutho, yahinlla nave yaahalla ocha* nllapo nittheene ophiyera misikuwa ekaamba ya okhwa wa Saulo ni mwanaye Yonatani. Yahinllattho ekaamba ya Aisraele, athu a Apwiya kaambiiwa yaari yiiphiwe okhotoninko.

2 Samuele 1:12 ပူးပေါင်းရင်းမြစ်များ

Mateyu 5:44

Koma miyaano vano kinimuulleellani wi, mwaakondeke adanaanyu nave mwaavekellelleke ayo enuuhoosani,

Miyambo 24:17

Ohihakallalleke mudanaawo iikuha nave murimaawo ohithapelleke akwakwatuwa.

1 Petro 3:8

Voomallihella, attheenenyu munapaalleya muhikanganeke koma mumorellaneke ethakaraka. Mukondaneke wonanko muthu ni mwanamunne apaalle ni murokoriye nave mukhalleke ooreera murima ni awiiyeviha.

2 Akorinto 11:29

Muthu mmodda afooka miyaanottho kinnafooka, muthu mmodda achimwa, kinnaddalliwa ni ethakaraka.

Amosi 6:6

Munnamuwirya vinyo munchichi, muniihella makhura aphaama wunchichi koma khamunamoriwa ethakaraka ni woonongeya wa ellapo ya Yosefe.

2 Samuele 3:35

Vano athu yaawa emuveka mwene Davide wi eche yoocha ohinaripe. Koma Davide aallupella wi, “Mulluku akillake wunchichi, kacha yoocha apaalle erive ello nndduwa nihinavollowe.”

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

1 Samuele 31:13

Vatulli viwa yaakusa makhuviiwa yaavittha vatthi va muteekho mung'onong'ono wabwemba o Yabeshi nave yaahalla ocha* wa mallapo matthanu ni meelli.

1 Samuele 31:6

Sika Saulo, anaaye araru, ootukhulla ezida ni akhotwaaye anchichi yaakhwella nimodda nllapo nenno.