2 Samuele 1:11 - Mawu a Mulluku

¹¹ Enthawi yeeyo Davide aaphara ddoowara ddaye aahulla. Nave athu ayo yaari ni Davide yaheera emoddamoddave yeeyo.

2 Samuele 1:11 ပူးပေါင်းရင်းမြစ်များ

2 Samuele 13:31

Enthawi yeeyo mwenooyo ahaahulla ddoowara ddaye, iivokhella vatthi. Oorumeyellaaye ayo yaari vakhuviru, alliwattho yahaahulla ddoowara ddiwa.

2 Samuele 3:31

Vano Davide aamulleella Yowabu ni athu attheene aariiyena wi, “Ahullani ddoowara ddanyu nave muware eziguduli wi mumwinllelleke Abinere.” Nave Davide aanaathwara vatulli ootukhulla mutembwaayo.

Genesis 37:29

Vano Rubeni ahokollweelle wiihimeni wulle amuphwanyille Yosefe ahiimo. Vaavo ahaahulla ddoowara ddaye moomoriwa ethakaraka.

Genesis 37:34

Sika Yakobo ahaahulla ddoowara ddaye nave awara echiguduli vawoonihani ethakaraka. Nave ahinlla maliro a mwanayaayo va enthawi yoorekama.

Aroma 12:15

Amodda yaahakallallaka, muhakallallekena nimodda nave amodda yaawinllaka mwinllekena nimodda.

Mitteko 14:14

Paulo ni Baranaba yiiwalliiwa yapaalliiwa weerannddo, yahaahulla ddoowara ddiwa, ethamakella variyari va mullokooyo, ekhuwa wi,

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Genesis 44:13

Ekaamba ya ethakaraka, attheenaayo yahaahulla ddoowara ddiwa. Yaamumakellellattho katundwiiwoolle va abulu nave ehokollweella omuzindani wulle.

2 Samuele 13:19

Vano Tamara ahiihella ntuura omuruni aahulla yoowara eyo awarilleeye. Nave aaphara muru anarowa inllaka mookhuwa mawu musewu muttheene.

2 Epilli 34:27

vawi murimaawo woolapa nave wohiiyeviha vamiitthoni va Mulluku, wiiwalleewe mawaaye oohumullulla nipuronna ni athwiiwa enakhallamo nave wohiiyeviha, wohaahulla ddoowara ddawo, wohinlla vamiitthoni vaka, sika kohiiwa ovekella wawo. Mi Apwiya koollota.

Ezara 9:3

Kiiwalleemi ddenndda kahaahulla ddoowara ddaka ni mukanjwaaka ekaamba ya ethakaraka nave kaatulla meehi a m'muruni mwaka ni ereru ddaka kikeraatthi mootathilla murima.

Estere 4:1

Mordekai iiwalleeye ddittheddene ddeereyillennddo, ahaahulla ddoowara ddaye, awara nthumba ni wiihella ntuura ekaamba ya ethakaraka. Aaya avollowa muwari mwa muzinda, inllaka mookhuwa ni moovoreyiwa murima wunchichi.

Yeremiya 36:24

Komave naari mwene apaalle mmodda a enduna ddaye yiiwalle mawaalla, khaavo ooville apaalle waahulla ddoowara ddaye.

Yowele 2:13

Ahullani murimaanyu ohiri ddoowara ddanyuve.” Hokollweellani wa Apwiya Mullukwaanyu vawi alliwa tti eechifundo ni ooreera murima, oohisha murima mwawaakuva ni ooddalla ni echikondi yoohisintheya, ni oohiya ollaka.

2 Mamwene 5:7

Nave mwene a o Israele amweelengilleeye kalatooyo, ahaahulla ddoowara ddaye ekaamba ya ethakaraka allota wi, “Ethiyo mi tti Mulluku awiipha ni ohokollosella okumi wi muthu yoolla akilembelle mawu awi kichirihe makate a muthu? Tti yoodduwanyeya wi olliye anamwaasha namullota wi aambane ni mi.”