2 Epilli 9:24 - Mawu a Mulluku

²⁴ Arive mwene aanawaana emphaso ddaye ddinchichi, ddeko ddoopangiwa ni siliva ni golide, ddoowara, mure,* makhura awunkhella, akavalo ni enyuru*. Nndda ddaaneereya orive muyakha.

2 Epilli 9:24 ပူးပေါင်းရင်းမြစ်များ

Masalimo 72:10

Mamwene a o Tarishishi ni a o ezilumba eneerowaana mituka navettho mamwene o Sheba ni o Seba eneerowaana emphaso.

Yobu 42:11

Vano asinne attheene ni arokoriye attheene vamodda ni attheene oomudduwella yaawa echana nimodda mpa mwaye. Nave yaamupepesa, emukhurumusa murima ekaamba ya ddoohoosa ddittheddene nnddo Apwiya yamorihelliiwa va olliye. Sika arive muthu mwa alliwaayo aamuvaha makobiri ni emphete yagolide.

2 Epilli 9:9

Vano aamuvaha mwenoolle golide makilogaramu 4,000, makhura awunkhella manchichi ni malluku manchichi oowallamella mutengo. Mwene Solomoni aari ahinavahiweke makhura awunkhella manchichi mwawi ddiidda nnddo mwene aamutthiyana a o Sheba aamuvahilleeye.

1 Mamwene 10:25

Arive muthu aanawaana emphaso ddaye ddinchichi, ddeko ddoopangiwa ni siliva ni golide, ddoowara, mure,* makhura awunkhella, akavalo ni enyuru.* Nndda ddaaneereya orive muyakha.

1 Mamwene 10:10

Vano aamuvaha mwenoolle golide makilogaramu 4,000, makhura awunkhella manchichi ni malluku manchichi oowallamella mutengo. Mwene Solomoni aari ahinavahiweke makhura awunkhella manchichi mwawi ddiidda nnddo mwene aamutthiyana a o Sheba aamuvahilleeye.”

1 Mamwene 9:14

Hiramu aari amurumihelle mwene makobiri a golide manchichi.

1 Samuele 10:27

Koma athu amodda oonanara murima yaallota wi, “Ethiyo muthu yoolla anaawore onivullusa mwawiidde?” Sika yahaamba omuvevulla Saulooyo vawi kheyaamwinnyattho emphaso ddaye. Koma Saulo khallota ello.

2 Epilli 9:23

Mamwene mattheene a mu ellapo yavatthi yaanapaalla omoona Solomoni wi yiiwe ezeru ddaye, nnddo Mulluku aamuvahilleeye.

Oweeruza 3:15

Koma Aisraelaayo yinllelliiwa wa Apwiya, Apwiyaayo yahaarumihella owaavullusa oyo aavullusalle. Olliyoolla aari Ehudi, mwaana a Gera, Mubenjamini, muthu oonyottho. Aisraele yaanakhoma musonkho wa Egiloni, mwene a o Mowabu, oweella mwa Ehudi.

2 Epilli 17:11

Afilisti amodda yaawaana emphaso wa Yehoshafati ni siliva a musonkho. Nave Arabu yaawaanattho anankhoro a enkhosa 7,700 ni anankhoro a epuri 7,700.

Masalimo 68:30

Humullullani enama yawoopiha yookhalla mu epango, enduna ni athwiiwa, ayo enakhalla wonanko mulloko wa anankhoro a eng'ombe owaaka asaanaang'ombe. Anyingallelleni ayo enapaalla makobiri moonanara apallalleseni athu ookonda ekhoto.