2 Epilli 9:23 - Mawu a Mulluku

²³ Mamwene mattheene a mu ellapo yavatthi yaanapaalla omoona Solomoni wi yiiwe ezeru ddaye, nnddo Mulluku aamuvahilleeye.

2 Epilli 9:23 ပူးပေါင်းရင်းမြစ်များ

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Miyambo 2:6

Apwiya ennavaha ezeru, mwa alliwa munnavenyera odduwella ni wiiwesesa.

1 Mamwene 4:34

Sika athu oovenyera o ellapo ddittheddene yaanawa wi yiiwe ezeru dda Solomoni. Athu yaalla yaanarumihiwa ni mamwene a ellapo yavatthi ayo yaari yiiwalle dda ezeru ddaye.

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

1 Akorinto 12:8

Munepa anamvaha muthu mmodda othenga wa ezeru nave Munepa mmoddamoddave yooyo anamuvaha muthu mmodda othenga woodduwelliha.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Daniele 5:11

Mu ellapwaanywiilla mookhalla muthu oyo ari ni munepa wa milluku ddaweella. Attiitthaanyu eri mwene muthu yoolla ahooniha wi mwa olliye mookhalla omolleella wiiwesesa ni ezeru wonanko dda milluku. Sika mwene Nebukadinezara attiitthaanyu yaamutthattusa muullupalli a awoombesa, amasenga, amakhanga ni oollotella ddamuhoollo.

Daniele 1:17

Asombwe asesaalla Mulluku ahaavaha ezeru ddawiiwesesa mawu mattheene a m'mabukhuni navettho mahuddero oowallamella. Daniele aakhallattho ni eruso yoottaphullella erive masomphenya ni ddoolloha.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Yesaya 11:2

Munepa wa Apwiya onaakhalle va olliye, munepa woovaha ezeru ni wiiwesesa, munepa woovaha malangizo ni masiva, munepa woovaha odduwella ni owoova Apwiya.

1 Mamwene 3:28

Nave Aisraele attheene yiiwalliiwa dda echiweruzo ya mullatoolla, yaamuriiha mwene Solomoni kaambiiwa yaadduwella wi aakhalla ni ezeru dda Mulluku ddaweeruzella millatu mweechilungamo.

2 Epilli 9:22

Sika Solomoni ahaakhwaranya mamwene mattheene a va ellapo yavatthi vookhallani ni eyuuma ni ezeru.

2 Epilli 9:24

Arive mwene aanawaana emphaso ddaye ddinchichi, ddeko ddoopangiwa ni siliva ni golide, ddoowara, mure,* makhura awunkhella, akavalo ni enyuru*. Nndda ddaaneereya orive muyakha.