2 Epilli 8:14 - Mawu a Mulluku

¹⁴ Moollikana ni malangizo a Davide attiitthinnya, ahaakawa allupa mukutho mu milloko milloko aavaha mitteko ddiwa. Nave aakeraatthihattho milloko dda Alevi ni mitteko ddiwa dda nllapo ni nllapo ddookavihera allupa mukutho ollapella. Aatthoollattho milloko dda oowehera vamillakoni ddoohiyanahiyana vawi Davide muthu a Mulluku aalamulalle mwawi ddiiddo.

2 Epilli 8:14 ပူးပေါင်းရင်းမြစ်များ

1 Epilli 9:17

Alonda yaari, Shalumu, Akubu, Talimoni, Ahimani ni abaliiwa (Shalumu sika aari oohoollella),

Nehemiya 12:36

Vaakhallattho abaliiwa monga Shemaya, Azarele, Milalayi, Gilalayi, Maayi, Netanele, Yuda ni Hanani ayo yatukhulla ezida ddawiipella machipo dda Davide muthu a Mulluku ni Ezara namalembella oyottho aahoollella.

Nehemiya 12:24

Oohoollella a Alevi, Hashabiya, Sherebiya ni Yeshuwa mwaana a Kadimiyele ni abaliiwa yaakaviherana vawiipani machipo oollapella ni oothokoza moollikana ni mmo Davide muthu a Mulluku alamulalleeye wi mulloko wiipeke moowaakakhana.

Ezara 6:18

Vano yahaakeraatthiha allupa mukutho ni Alevi mu milloko ddiwa wi emurumeyelleke mu enyumba o Yerusalemu moollikana ni mmo ddalembelliwiiwa mu nibukhu na Mose.

Mitteko 13:36

Vawi Davide amallihalle orumeyella ddoopaalla dda Mulluku mu mallapwaaye aakhwa. Nave aavitthiwa vamodda ni makhollwaaye nave mwiillaaye wahuntella mu mahame.

Mitteko 13:22

Mulluku amuvenyihalleeye omwene Saulo, ahaavaha Davide wi akhalle mweniiwa. Nndda sika allotille Mulluku dda olliyooyo wi, ‘Koomuphwanya Davide mwaana a Yese, muthu a vamurimani vaka, muthu oyo anaaweere nnddo kinaapaalleemi.’

Luka 1:8

Nllapo nimodda Zakariya aarumeyella mu enyumba ya Mulluku vawi yaari enthawi ya mullokwaaye wi orumeyelle.

Luka 1:5

Mu enthawi eyo Herode* aariiye mwene a echigawo ya Yudeya, waakhalla mullupa mukutho nnddina naye Zakariya, a mulloko wa allupa mukutho wa Abiya. Mwaariye aari a nlloko na Aroni nave nnddina naye aari Elizabeti.

2 Epilli 35:10

Vano ddittheddene ddikhoziwe dda Paska, allupa mukutho yahiimella va nipuro niwa nave Alevi yaakhalla m'millokoni mwiwa moollikana ni mmo mwene aalamulelleeye.

2 Epilli 31:2

Hezekiya aakeraatthihattho milloko dda allupa mukutho ni Alevi wi ephareke mitteko dda mikutho ddooshellelliha, mikutho ddeeyaattano, ollalleya m'millako dda enyumba ya Apwiya ni waathokoza ni waatitimiha Apwiya.

2 Epilli 23:4

Nndda sika muneereenyu, mwa nyuwaano allupa mukutho ni Alevi, munaakhalle oorumeyella va nllapo na Sabata, mukawaneye vararu wi mulloko mmodda owehereke m'millako,

2 Epilli 5:11

Vano allupa mukutho yaakhuma mu echipinda yoopatuleya vawi attheene ayo yaarivo yaari eddeellihalle vooheerengella milloko ddiwa.

1 Epilli 28:19

Davide aallota wi nndda ddinniiwanana ni mawu yalembiwe moothwara malangizo a Apwiya. Nave ddittheddenenndda ddaatthopoolliwa phaama wi mitteko ddittheddene ddiphariwe moollikana ni mapulaniiwa.

1 Epilli 23:1

Davide uulluvanlle aamukeraatthiha mwanaye Solomoni okhalla mwene a Israele.

1 Epilli 16:42

Hemani ni Yedutuni yahoollella wiipa misangwa, mapallapata ni ezida ddimodda navettho ezida ddimodda ddawiipella machipo oollapella. Anamwani a Yedutuni yaahiyalle wi ekhalle alonda a va mullako.

1 Mamwene 13:1

Vano ngoonani, muthu a Mulluku aavenyera o Yuda aya o Betele moollikana ni mawu a Apwiya. Yerobowamu aari iimenlle vakhuviru ni nikuwa oosaka lubani.*

2 Samuele 23:2

“Munepa wa Apwiya onallota mwa miyaano, mawaaye eri vayanoni vaka.

Deuteronomo 33:1

Alla sika madaliso ayo Mose muthu a Mulluku avelleelleeye wa Aisraele ahinakhwe.

1 Epilli 16:37

Sika mwene Davide aamuhiya Asafu ni abalaaye nko waari nibokosi na echipangano na Apwiya wi erumeyelleke enthawi ddittheddene wonanko mmo wapaalleya nirive nllapo.

1 Epilli 24:1

Edduullu dda Aroni ddakawiwe mwawi ddiidda, anamwani a Aroni yaari Nadabu, Abihu, Eleazara ni Itamara.

1 Epilli 25:1

Vano Davide ni oohoollella oorumeyella yahaapatulattho athu amodda oorumeyella mwa anamwani amodda a Asafu, a Hemani ni a Yedutuni ayo yallotella vawiipani machipo voopharihani mutteko ezida dduullupalli ni dding'onong'ono. Nna sika ntthopoollo na manddina a ayo yapharille mutteko ni mitteko ddiwa.

1 Epilli 26:1

Alla sika yaari malloko a alonda a va mullako, m'mulloko wa Akora mwaari Meshelemiya mwaana a Kore, mmodda a anamwani a Asafu.

2 Epilli 8:15

Nave athwaayo yahiiwellella malangizo ayo mwene alamulalleeye ootthopoolla dda erive ello ya allupa mukutho, Alevi ni moosungellamo eyuuma.

2 Epilli 29:25

Vano ahaahiya Alevi o enyumba ya Apwiya ni ezida ddawiipella machipo moollikana ni lamulo na Davide ni namallotella Gadi, oollohella a mwene, ni namallotella Natani. Vawi lamulo nenno tti na Apwiya oyeella mwa anamallotelliiwa.

2 Epilli 35:4

Mukhalle m'millokoni moollikana ni mabanjaanyu voothwarani malangizo a Davide mwene a o Israele ni a Solomoni mwanaye.

1 Epilli 9:24

Ooweheraayo yaari embali ddittheddene ddisese, wookhuma nndduwa, woovollowa nndduwa, ompoto ni omwera.

1 Epilli 24:3

Nave mwene Davide aaddikawella edduullu dda Aroni mitteko mootthopoowa phaama, mookaviheriwa ni Zadoki, edduullu ya Eleazara ni Ahimeleki, edduullu ya Itamara.

2 Epilli 23:19

Olliye ahaahiya alonda va mullako wa enyumba ya Apwiya wi arive muthu ooheellihiwa ahivollowe.

2 Epilli 35:15

Athu awiipa machipo, anamwani a Asafu, yaari munipuroni mwiwa moollikana ni lamulo na Davide, Asafu, Hemani ni Yedutuni, oollohella a mwene. Vano alonda a va mullako yaari va orive mullako nave kheyaavenyillevo vamuttekoni viwa vawi abaliiwa, Alevi, yahaakhozella mikutho.

Nehemiya 12:25

Mataniya, Bakibukiya, Obadiya Meshulamu, Talimoni ni Akubu yaari alonda a va millako nave oowehera ezipinda ddoosungellamo ddeko o enyumba ya Mulluku.