2 Epilli 8:13 - Mawu a Mulluku

¹³ monga mikutho dda nllapo ni nllapo navettho mikutho ddimodda moollikana ni malamulo a Mose monga dda masabata, dda Ehakallallo ya Wooneya wa Mweeri, dda mallapo mararu a ehakallallo a muyakha ni muyakha, dda Ehakallallo ya Buledi Oohikhalla ni Yisiti, dda Ehakallallo ya Milungu ni dda Ehakallallo ya Misasa.

2 Epilli 8:13 ပူးပေါင်းရင်းမြစ်များ

Deuteronomo 16:16

“Allopwana attheene a mutundwaanyu ewe wi yaallapelle Apwiya Mullukwaanyu o nipuro namallapello, oraru vamuyakhani. Ewe va enthawi ya Paska, Ehakallallo ya Ddoohata navettho va Ehakallallo ya Misasa. Nave ehiweeke vamiitthoni va Apwiya mattave

Ezekiele 45:17

Nave mwene avelleelleke ddoopaalleya va mikutho ddooshellelliha, mikutho dda yoocha, mikutho dda ddoowirya va mallapo a Ehakallallo ya Wooneya wa Mweeri, a Sabata ni mamodda ayo Aisraele enaasungiiwa. Mwene avelleelleke ddoopaalleya va mikutho ddoopepesella, mikutho dda yoocha, mikutho ddooshellelliha ni mikutho ddeeyaattano wi ddivenyihe machimo a Aisraele.”

1 Mamwene 9:25

Solomoni aanavelleella mukutho wooshellelliha ni mukutho wa eyaattano va nikuwa nno aamakelleeye Apwiya oraru vamuyakhani nave aanoosa lubani* Apwiya amallihalle enyumbeeyo.

Eksodo 34:22

“Mukhalleke ni Ehakallallo ya Milungu, Ehakallallo ya Ddoohata Ddawaamba nave mukhallekettho ni Ehakallallo Yotthukumaniha Ddoohata ddittheddene va omalla wa muyakha.

Eksodo 34:23

“Allopwana attheene yooneyelleke vamiitthoni va mi Apwiya Mulluku a Aisraele, oraru vamuyakhani.

Nehemiya 8:17

Vano athu attheene ayo yahokollowille wuukaporoni yaamaka misasa enakhalla mwemmo nave yaahakallalla wunchichi vawi waambeella enthawi ya Yoswa mwaana a Nuni ophiyera nllapo nenno, Aisraele yaari ehineereke ddenndda.

2 Epilli 2:3

Vano Solomoni aarumiha mawu wa Huramu mwene a o Tiro wi, “Mukeerelle wonanko mmo mweerelleenyu ni attiitthaaka Davide vawaarumihellani miteekho ddamukunguza wi emakelle enyumbiiwa wi ekhallekemo.