2 Epilli 7:5 - Mawu a Mulluku

⁵ Mwene Solomoni avelleella mikutho dda eng'ombe 22,000 ni enkhosa 120,000. Mwawi ddiidda mwene ni athu attheene yaayivelleella enyumba ya Mulluku.

2 Epilli 7:5 ပူးပေါင်းရင်းမြစ်များ

Yohane 10:22

Vano mu Yerusalemu mwaakhalla Ehakallallo yawuupuwella dda weellihiwa wa enyumba ya Mulluku. Enthawi yeeyo yaari eyitta.

Mika 6:7

Ethiyo Apwiya ttuuhakallalla ni anankhoro ankhosa ooheerengeya apaalle mihinje dda makhura a olivi? Ethiyo ttuumuvelleella mwanaka awaamba ekaamba ya ddoolakwa ddaka apaalle mwanaka olliva machimwaaka?

Ezekiele 45:17

Nave mwene avelleelleke ddoopaalleya va mikutho ddooshellelliha, mikutho dda yoocha, mikutho dda ddoowirya va mallapo a Ehakallallo ya Wooneya wa Mweeri, a Sabata ni mamodda ayo Aisraele enaasungiiwa. Mwene avelleelleke ddoopaalleya va mikutho ddoopepesella, mikutho dda yoocha, mikutho ddooshellelliha ni mikutho ddeeyaattano wi ddivenyihe machimo a Aisraele.”

2 Epilli 30:24

Hezekiya mwene a o Yuda aavelleella anankhoro eeng'ombe 1,000 ni eenkhosa 7,000 nave enduna ddaye ddaavelleella anankhoro 1,000 eeng'ombe ni eenkhosa 10,000 o mutthukumanonko. Nave allupa mukutho anchichi yaaddeelliha.

2 Epilli 15:11

Nllapo nenno yaavelleella mikutho wa Apwiya ovenyera o ddeko yaakhilliiwanndde monga eng'ombe 700 ni enkhosa 7,000.

2 Epilli 5:6

Nave mwene Solomoni ni Aisraele attheene ayo yatthukumanne vamiitthoni vaye, yiimenlle vahoollo va nibokosi na echipanganonno yaanavelleella mikutho dda enkhosa ni dda eng'ombe ddooheerengeya.

2 Epilli 2:4

Kinapaalla wi kaamakelle enyumba Apwiya Mullukwaaka. Wenko moohihiyerera kineerekovelleella wa alliwa lubani* na nthuko naphaama, buledi oopatuleya ni mikutho ddooshellelliha ohinase ni misikuwa, va masabata, va mallapo a Ehakallallo ya Wooneya wa Mweeri ni mallapo mamodda aweella voothwarani malamulo a Israele wa enthawi yoohimalla.

2 Epilli 1:6

Nave Solomoni aawella o nikuwa namukuwa vamiitthoni va Apwiya nno naari va musasa wamutthukumano avelleella mikutho ddooshellelliha ddinchichi.

1 Epilli 29:21

Osaka wene yaavelleella mikutho ddooshellelliha wa Apwiya, anankhoro eeng'ombe 1,000, anankhoro eenkhosa 1,000 asaanaankhosa 1,000 ni mikutho dda ddoowirya opwesereravo mikutho ddimodda ddawaata munipuroni mwa Aisraele attheene.

Numeri 7:10

Vatulli viwa, va nllapo noozoza nikuwa oohoollella yaawa ni ddoovelleella ddimodda nave yaaphiyana ddoovelleellannddo vahoollo va nikuwa.

2 Epilli 7:4

Vano mwene ni athu attheene yaavelleella mikutho vamiitthoni va Apwiya.

2 Epilli 7:6

Allupa mukutho yahiimella m'mapuroni mwiwa mvo Alevi yiipiiwa machipo waatitimiha Apwiya voopharihani mutteko ezida ddiwa. Ezidanndda ddapangiwe ni Davide nave ddapharihiwa mutteko vawiipani nchipo na echikondi yoohisintheya ni yoohimalla ya Apwiya. Moowehana ni alliwaayo allupa mukutho yaaniipa mapallapata nave Aisraele attheene yaaniimella.