2 Epilli 7:19 - Mawu a Mulluku

¹⁹ “Koma we apaalle anaawo, mwahokollweella mutulli ohiya okithwara, ohisunga malamulwaaka ni malangizwaaka ayo kuuvahilleemini nave mwaamba orumeyella ni oddillapella milluku ddimodda,

2 Epilli 7:19 ပူးပေါင်းရင်းမြစ်များ

Deuteronomo 28:15

Koma mwaahiwiiwellella Apwiya Mullukwaanyu nave mwaahithwara malamulo ni malangizwiiwa mattheene kinawinnyeemini ollellova muneerotembeleliwa.

Levitiko 26:14

“Koma mwaahikiiwellella nave mwaahithwara malamulwaaka mattheenaalla,

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Samuele 12:25

Koma mwaavirellellaka weera ddoonanara mudduwelle wi nyuwaano ni mwenaanyu muneerewoonongeya.”

Numeri 32:15

Mwaahiya waathwara, alliwattho eneerewaahiya athu muchipululuni nave muneerowoonongiha athu attheene.”

Yeremiya 9:13

Apwiya yahaakhulla wi, “Ekaambiiwa tti yawi athwaaka yaatathilla malamulwaaka ayo kaavahilleemi nave kheyiiwellenlle ni othwara mawaaka.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Yoswa 23:7

Nave muhiniiwananaka ni athu alla ehanlle nave eri ni nyuwaano. Muhinaromollaka manddina a milluku ddiwa apaalle oyiromolla voollupellani apaalle oyirumeyella apaallettho oyikokhorella.

2 Epilli 33:8

Sika ngaakhullellattho wi Aisraele evenyihiwemo mu ellapo eyo kaavahilleemi makhollwaanyu alliwa yaawiiwellellaka moororomelleya ddittheddene kaalamulalleemi navettho yaathwaraka malamulo ayo Mose oorumeyellaaka aalamulalleeye.”