2 Epilli 7:17 - Mawu a Mulluku

¹⁷ Nave we, waaweetaka vamiitthoni vaka wonanko mmo attiittho Davide yeetelliiwa nave waaweeraka ddittheddene kuulamulalleemi ni osunga mawaaka ni malangizwaaka,

2 Epilli 7:17 ပူးပေါင်းရင်းမြစ်များ

Zekariya 3:7

“Apwiya Amasiva Mattheene eni, ‘Mwathwara ettilla ddaka ni wiiwellella malamulwaaka, muneerolamulella mu enyumbaaka nave muneerowehera mathatwaaka. Navettho kineerowaakhullellani wi mukhalle vamodda ni alla yiimenlle vamiitthoni vaka.

Ezekiele 36:27

Kineerohiya munepaaka mwa nyuwaano nave kineeroweerihani wi muthwareke malangizwaaka ni osunga malamulwaaka.

1 Mamwene 11:38

Nave waawiiwellaka ddittheddene kinuulamuleemi ni othwara malamulwaaka, oneera echilungamo vamiitthoni vaka voothwarani malangizwaaka ni malamulwaaka wonanko Davide oorumeyellaaka, nguuhiya nave kineereweera wi okhalle mwene a Aisraele. Navettho edduullu ddawo ddineerekolamulella wonanko mmo kamweerelleemi Davide oorumeyellaaka.

Deuteronomo 4:40

Mwiiwellelleke malamulwiiwa ni malangizwiiwa mattheene ayo kuuhuddihalleemini ollello. Sika ddeko ddineerekoweetellani phaama nyuwaano ni edduullu ddanyu nave enthawi ya okumaanyu eneerorekama mu ellapo eyo Apwiya Mullukwaanyu yuuvahilliiwani wi ekhalle yaanyu wa enthawi yoohimalla.”

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

Yohane 14:21

“Ayo enaakhullella malamulwaaka ni waathwara, sika enakikonda miyaano. Attiitthaaka eneerewaakonda ayo enakikonda miyaano. Nameenettho kineerewaakonda yaayo ni odduupullulla meekhaaka wa alliwaayo.”

Masalimo 105:45

wi athwiiwa esungeke malangizo, ethwareke malamulwiiwa mattheene. Aleluya!

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Mamwene 8:25

Sika vano nyu Apwiya Mulluku a Aisraele, upuwellani nndde mwalonjezilleenyu wa Davide oorumeyellaanyu voollotani wi, ‘Khaviwa virama edduullu va nibanja nawo ookhalla vamiitthoni vaka va mpando woomwene wa Israele, vaavove anaawo yaapwathaka makhallellwiiwa ni weeta vamiitthoni vaka monga weyaano weetelleewe.’

1 Mamwene 3:14

Nave waathwaraka ettilla ddaka vawiiwellellani malangizwaaka ni malamulwaaka monga attiitthaawo Davide, kineerewuuvaha okumi woorekama.”

1 Mamwene 2:3

Wiiwellelleke malangizo a Apwiya Mullukwaawo, ni weeta mu ettilla ddiwa, osungeke malembiiwa, malamulwiiwa, weeruza wiwa ni omboniiwa moollikana ni mmo ddilembelliwiiwa mu malamulo a Mose wi weereke mweezeru erive ello. Mwawi ddiidda oneerekopambana nave ddineerekoweetella phaama orive weko onaayeekeewe.

2 Epilli 7:16

Vawi vano kootthoolla ni opatula enyumbeella wi nnddina naka nititimihiwekemo wa enthawi yoohimalla. Miitthwaaka ni murimaaka ddinaakhalleke mwemmo enthawi ddittheddene.

2 Epilli 7:18

vaavo kineerokeraatthiha mpandwaawo woomwene wa enthawi yoohimalla monga kalonjezilleemi wa Davide attiittho wi, ‘Khaviwa virama muthu a mu nibanja nawo oyo anaalamulelleke Israele.’

Masalimo 119:5

Waphaama meetellwaaka yaariki oohitikheya, vawiiwellellani malamulwaanyu.

2 Epilli 6:16

Sika vano nyu Apwiya Mulluku a Aisraele, upuwellani nndde mwalonjezilleenyu wa Davide oorumeyellaanyu voollotani wi, ‘Khaviwa virama edduullu va nibanja nawo ookhalla vamiitthoni vaka va mpando woomwene wa Israele, vaavove anaawo yaapwathaka makhallellwiiwa ni weeta vamiitthoni vaka monga weyaano weetelleewe.’