2 Epilli 7:14 - Mawu a Mulluku

¹⁴ ayo enaromolliwa mu nnddina naka yiiyeviha evekella waasha ekhovaaka, ni ohiya machimwiiwa kineerowiiwa oddullu nave kineerewaakhululukella machimwiiwa ni ovullusa ellapwiiwa.

2 Epilli 7:14 ပူးပေါင်းရင်းမြစ်များ

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Yeremiya 33:6

Koma muhoollo, muzindoolla kineerowuvaha okumi nave athwiiwa kineerewaachiriha ni waavaha ddaphaama ddawaata ni murendelle wawoona.

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

2 Epilli 6:27

vano mwiiweke oddullunko ni okhululukella machimo a oorumeyellaanyu, Aisraele attheene. Nyuwaano mwaahuddiheke makhallello aphaama awi yeereke nave mumurupihe murimu mu ellapo eyo mwaavahilleenyu wi ekhalle yoohallaniiwa.

Yeremiya 8:22

Ethiyo o Giliyadi khawuri murete? Ethiyo wenko khawuri allupa murete? Kaambiiwa tini makhwata a athwaaka ehinavolliiwa?

Yesaya 63:19

Niri wonanko athu ehinalamulelliweke ni nyuwaano, wonanko khannakhalleke athwaanyu.

Yesaya 59:20

Apwiya enaalleella athwiiwa wi, “Kineeroowa o Yerusalemu waavullusa athu a nlloko na Yakobo ayo yalapille machimwiiwa.

2 Epilli 6:30

mwiiwe mavekellwiiwa oddullu munakhalleenyuwo, mwaakhululukelle. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

Yesaya 45:19

Ngaallotille mwawiipitthiha vanipuroni noovittheya mu ellapo yeepiphi. Ngaaddilleelle edduullu dda Yakobo wi ddikaashaasheke o ellapo yoohikhalliwa. Mi Apwiya kinallota ddawoona, kinallalleya ddoolungama.”

Mitteko 9:11

Apwiya yaallota wi, “Venya oye omusewuni wa m'muzindanimmu wooromolliwa, ‘Musewu wowookowa.’ Khawe o enyumba ya Yudasi wenko wakohere dda muthu nnddina naye Saulo a o muzinda wa Tariso vawi animavekella.

Yeremiya 51:9

Amodda yaallota wi, ‘Naheesa omwinnya murete koma khaachinre. Hankoni nimuhiye, nimvenyerevo nave arive muthu aye owaniwa. Vawi mullatwaaye woowella oddullu, woophiya omiraponi.’ ”

Masalimo 60:2

Mootikha ellapo, mooyitthalla, potokosani mitthari ddiwa vawi yoheengereya.

Numeri 6:27

Nave Apwiya yaallota wi, “Yaaromollaka nnddina naka vawaadalisani Aisraele, miyaano kineerewaadalisa.”

Deuteronomo 28:10

Sika athu attheene a va ellapo yavatthi ettheene eneerewoona wi Apwiya Mullukwaanyu ahuutthoollani wi mukhalle yoohallaniiwa nave eneerekowoovani.

2 Epilli 6:33

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

Ezekiele 33:12

“Vano we mwaana a muthu waalleelle athwaawo wi muthu oolungama achimwa, echilungamwaaye khemuvullusa. Oonanara ahiya ochimwa khallakiwa. Nave oolungama achimwa khawora okhalla ni okumi ekaamba ya mitteko ddaye ddoolungama.

2 Epilli 20:3

Vaavo Yehoshafati ahoova nave aaganiza wi aaveke Apwiya ezeru ni ollalleya wi athu attheene a o Yuda ehalle ocha.

2 Epilli 20:4

Vano athu attheene a o Yuda, ovenyera m'mizindani ddittheddene, yaatthukumana wi eveke nikavihero wa Apwiya.

Masalimo 27:8

Kinnuupuwella, mwaallota wi, “Mwaashaasheke ekhovaaka.” Murimaaka waallota wi, “Nyu Apwiya kinnaashaasha ekhovaanyu.”

Yeremiya 14:9

Kaambiiwa tini munakhalleenyu wonanko awiimella muru, wonanko akhoto oohiwora ovullusa? Komave nyu Apwiya muri variyari vahu, ninnadduwelliwa ni nnddina nanyu, muhinihiye weekhiihu.”

Yeremiya 50:4

Apwiya enallota wi, “Mallapo yaayo, enthawi yeeyo Aisraele ni Ayuda eneerotthukumana vamodda, eneeroowa yinllaka. Eneerewaashaasha ddoopaalla dda Apwiya Mullukwiiwa.