2 Epilli 7:13 - Mawu a Mulluku

¹³ Katiyella oddullu ni ommaka murimu wi ahirupe apaalle karumiha nazombe wi oononge mmiddo wa va ellapo yavatthi apaallettho karumiha mullilli variyari va athwaaka

2 Epilli 7:13 ပူးပေါင်းရင်းမြစ်များ

Deuteronomo 11:17

kaambiiwa Apwiya eneerewuushellani murima, eneerowiimanani murimu nave ethaya eneerewumma sika khamuhataka ddeko. Nave muneerewoonongeya mwawaakuva mwiillaponi yamukaka ni enwi eyo Apwiya enuuvahiiwani.

Yawuupullulla 11:6

Aakhalla ni olamulello wommaka murimu wi ahirupe va enthawi enallotelliiwa. Aakhallattho ni olamulello wootthattusella aneetuutu amaaddi okhalla nikhame. Aakhallattho ni olamulello woowiiha millilli ddoohiyanahiyana va ellapo yavatthi enthawi enapaalliiwa.

Yawuupullulla 3:7

“Omulembelle oohoollella a mpingo wa o Filadelfiya wi, “Alla sika mawu oovenyera wa oyo ari aweella ni awoona, oyo arina makiiyi a olamulello a Davide nave ahulla nchiwi khaavo muthu anaawore owalla navettho awalla khaavo muthu anaawore ohulla awi,

Yowele 2:25

Kineerewuuhokollosellani mmiddo ddanyu ddittheddene nnddo ddaachiwe ni nazombe a mitundu ddittheddene miyakha ddenndde. Ollathi sika mulloko wakhoto oyo kawurumihalleemi wi owoonongeni.

Yobu 12:14

Akumulla, khaavo oomakattho. Amuwallella muthu mundende, khaavo oomuhullella.

Luka 4:25

“Ddawoona, kinimuulleellani wi mwaakhalla anaamukhwelle anchichi mu Israele m'mallaponi a namallotella Eliya, waramilliiwa murimu wa miyakha miraru ni miyeri mitthanu ni mmodda nave waakhalla ettalla yuullupalli mu ellapo ettheeneeyo.

Masalimo 107:34

Yaayitthattusa ethaya yaphaama ekhalla yooguga ekaamba ya onanara wa athu ookhalla mwemmo.

Masalimo 105:34

Yaallota nave waaphiya nazombe, middope ddooheerengeya,

Yobu 11:10

Ethiyo Mulluku avira nave uuwallella mundendeni, uukokella omillatuni, ttaani anaamuvaanye?

Numeri 14:12

Kineerowiipha ni mullilli nave khevollowamo mwiillaponimmo. Vano kineerewuutthattusa mutundu muullupalli ni wamasiva okhwaranya alliwaalla.”

Amosi 4:7

Tti miyaanottho kammakille murimu vihanlle miyeri miraru wi muhate. Tti miyaano kamurupiha murimu m'muzinda mmodda ni oohimurupiha m'muzinda mmodda. Murimu aanarupa va emata emodda koma va emodda ahirupeeyevo yahumma.