2 Epilli 7:10 - Mawu a Mulluku

¹⁰ Va nllapo na 23 na mweeri waneetthanu ni piilli Solomoni ahaarumiha athwaayo owaniwa eri oohakallalla m'murimani mwiwa ekaamba ya ddaphaama ddittheddene nnddo Apwiya yamweerelliiwa Davide oorumeyelliiwa ni athwiiwa Aisraele.

2 Epilli 7:10 ပူးပေါင်းရင်းမြစ်များ

1 Mamwene 8:66

Va nllapo naneetthanu ni raru, Solomoni ahaalleella athwaayo wi eroweke. Yaamuthokoza mwenooyo nave yaarowa ni murima woohakallalla ni woothapella ekaamba ya ddaphaama ddittheddene nnddo Apwiya yamweerelliiwa Davide oorumeyelliiwa ni athwiiwa Aisraele.

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Mitteko 16:34

Vano ahaakusa Paulo ni Sila ayaana owaniwa aavaha yoocha. Nave olliye ni nibanja naye yaahakallalla ni murimiiwa muttheene kaambiiwa yaamukhulupilila Mulluku.

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Masalimo 106:5

wi koone ddooddiva dda ootthoolliwaanyu, wi kithapellena ehakallallo ya mutundwaanyu, wi kiriiheye vamodda ni yoohallanaanyu.

Masalimo 105:3

Kotellani nnddina niwa naweella, mirima dda oowaashaasha Apwiya ddihakallalle.

Masalimo 100:2

Arumeyelleni Apwiya moohakallalla, phiyani vamiitthoni viwa mwiipaka moothapella.

Masalimo 92:4

Nyu Apwiya, mookihakallalliha ni ddaweera ddanyu, kinnakhuwa ni ohakallalla ekaamba ya mitteko dda mattaanyu.

Masalimo 32:11

Nyu athu oolungama, hakallallani ni othapella mwa Apwiya, nyu athu ooreera murima, khuwani moohakallalla.”

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

2 Epilli 30:26

Sika waakhalla ehakallallo yuullupalli eyo ehineereyeke o Yerusalemu waambeella enthawi ya Solomoni mwaana a Davide mwene a o Israele.

2 Epilli 29:36

Hezekiya ni athu attheene yaahakallalla ekaamba yawi nnddo Mulluku aweerelleeye ddaheeta phaama.

2 Epilli 6:41

Vano nyu Apwiya Mulluku, venyani, muwe onipuroni nanyu nawiithuuwellawo, nyuwaano ni nibokosi na masivaanyu. Nyu Apwiya, allupa mukuthwaanyu eware echilungamo athu oororomelleyaanyu ehakallallena ddaphaama ddanyu.

Deuteronomo 16:14

Muhakallalleke wunchichi va nllaponno, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi, alleto, akhwaadduni ni anaamukhwelle ayo enakhalla variyari vanyu.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

Deuteronomo 12:18

Nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ookhalla m'mizi ddanyu, mwacheke ddoovelleella ddittheddenenndda vamiitthoni va Apwiya Mullukwaanyu va nipuro nimodda nno Apwiya Mullukwaanyu enaatthoolliiwa. Wenkottho mwahakallalleke vamiitthoni va Apwiya Mullukwaanyu ekaamba ya mitteko ddanyu ddittheddene.

Deuteronomo 12:12

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo enakhalla variyari vanyu vawi khenna yoohallaniiwa.

Deuteronomo 12:7

Wenkottho nyuwaano ni mabanjaanyu muneerocha ni ohakallalla vamiitthoni va Apwiya Mullukwaanyu ekaamba ya madaliso ayo yuuvahilleewani wi mitteko ddanyu ddittheddene ddeete phaama.

Eksodo 18:1

Yetero, mullupa mukutho o Midiyani, attiitthinnya a mwaariye a Mose, ahiiwa ddittheddene nndde Mulluku amweerelleeye Mose navettho Aisraele, aweerihalleeye wi ekhume o Iguputo.

2 Epilli 7:9

Nave va nllapo na neetthanu ni raru yaakhalla ni mutthukumano vawi yaheera ehakallallo ya opatuliwa wa nikuwa wa mallapo matthanu ni piilli navettho machellello wa mallapo matthanu ni piilli.

2 Epilli 7:11

Vano Solomoni aamalliha omaka enyumba ya Apwiya ni enyumba yoomwene. Nave ddittheddene nnddo aganizalleeye wi eere mu enyumba ya Apwiya ni mu enyumbaaye aakwakhwanihella phaama.

Ezekiele 45:25

“Vano mwene eereke emoddamoddave yeeyo va nllapo na khumi na mweeri waneetthanu ni piilli. Ehakallallweeyo yeereyeke wa mallapo matthanu ni meelli. Avelleellekettho mikutho, ddoopepesella, ddooshellelliha, dda yoocha ni dda makhura.”