2 Epilli 6:6 - Mawu a Mulluku

⁶ Koma vano kimutthoollille Yerusalemu okhalla nipuro nawi ekillapellekemo nave kimutthoollille Davide wi aalamulelle Aisraele athwaaka.’ ”

2 Epilli 6:6 ပူးပေါင်းရင်းမြစ်များ

1 Epilli 28:4

Koma Apwiya Mulluku a Israele aakitthoolla variyari va attheene a mu nibanja mwahu wi kikhalle mwene a Israele wa enthawi yoohimalla vawi yaamutthoolla Yuda wi akhalle oohoollella a malloko mattheene nave ovenyera o nlloko na Yuda yaatthoollawo nibanja na attiitthaaka. Nave variyari va anamwani a attiitthaakaayo ddaamuhakallalliha Mulluku okitthoolla wi kikhalle mwene a Israele muttheene.

Masalimo 132:13

Apwiya aamutthoolla Ziyoni, enapaallesesa wi akhalle nipuro niwa nookhallamo.

2 Epilli 12:13

Vano mwene Rehobowamu aakeraatthiha omwenaaye mu Yerusalemu nave aalamulella. Aari ni miyakha 41 aambeeye olamulella nave aalamulella miyakha 17 mu Yerusalemu, muzinda oyo yatthoollille Apwiya variyari va malloko mattheene a Israele wi yaallapellekewo. Amennya yaari Naama Muamoni.

Masalimo 48:1

Apwiya tti uullupalli, tti oophwanella waatitimiha wunchichi, m'muzindani mwiwa, vamwaangoni viwa vaweella.

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

Yesaya 14:32

“Ethiyo ninaawaakhulle tini Afilisti? Ninaallote wi, ‘Apwiya aamukeraatthiha Ziyoni nave mu muzinda yoolla athwiiwa oohoosiwa ennaphwanyamo voovulluwellavo.’ ”

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

2 Epilli 6:5

‘Ovenyera nllapo nno kaakhumihalleemi Aisraele, athwaaka mu Iguputo, nguutthoonlle orive muzinda variyari va malloko mattheene a Aisraele wi mumakiwe enyumba yoollapellamo nnddina naka. Nave ngaamutthoollille muthu okhalla mwene owaalamulella Aisraele athwaaka.

Zekariya 2:12

Apwiya eneeromukusattho Yuda wi akhalle yoohallaniiwa mu ellapo yoopatuleya nave Yerusalemu akhalle muzindiiwa wa vamurimani.

2 Mamwene 21:4

Aamaka makuwa mu enyumba ya Apwiya eyo alliwa yallotilleewe wi, “Nnddina naka nineerokhalla mu Yerusalemu.”

2 Mamwene 21:7

Aahiya mu enyumba ya Apwiya nifano noosema na Asherimu. Enyumba eyo Apwiya yamulleelliiwa Davide ni mwanaye Solomoni wi, “Mu enyumba yeella ni mu Yerusalemu sika kitthoonlleemi variyari va malloko mattheene a Israele wi ekillapellekemo wa enthawi yoohimalla.

1 Epilli 17:5

Miyaano nginakhalleke mu enyumba waambeella nllapo nne kaakhumihalleemi Aisraele mu ellapo ya Iguputo ophiyera ollello. Kookhalla kiyaaka nngu ni nngu nave mookhalla mwaka mwaari m'musasani.

1 Epilli 17:7

“Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka Aisraele.

2 Epilli 6:20

Weherakani enyumbeella otthaana ni mahiiyu, nipuro nno mwaanithoollilleenyu wi nnddina nanyu nikhalleke mwemmo wi mwiiwe nivekello nno anaavekelle oorumeyellaanyu onipuroni wuno.

2 Epilli 7:16

Vawi vano kootthoolla ni opatula enyumbeella wi nnddina naka nititimihiwekemo wa enthawi yoohimalla. Miitthwaaka ni murimaaka ddinaakhalleke mwemmo enthawi ddittheddene.

2 Epilli 20:8

Vano enakhalla mwemmo nave yoomakamo enyumba ya nnddina nanyu enallota wi,

2 Epilli 30:8

Vano muhummihe makohaanyu wonanko makhollwaanyu koma mwiivelleelle wa Apwiya nave muweeke o enyumbiiwa eyo eyeellihalliiwa wa enthawi yoohimalla. Nave mwaarumeyelle Apwiya Mullukwaanyu wi osha murima waye wawoopiha ovenyihiwe va nyu.

2 Epilli 33:4

Aamaka makuwa mu enyumba ya Apwiya eyo alliwa yallotilleewe wi, “Nnddina naka nineerokhalla mu Yerusalemu wa enthawi yoohimalla.”

Ezara 7:16

Omukusettho siliva ni golide oyo oninyiweewe mu echigawo ettheene ya Babiloni navettho emphaso nnddo athu ni allupa mukutho enapaalliiwa ovelleella o enyumba ya Mullukwiiwa eyo eri mu Yerusalemu.

Masalimo 122:2

We Yerusalemu, manyallwaahu enniimella muwari mwa millako ddawo.

Zekariya 3:2

Mungelo a Apwiya aamulleella Satana wi, “We Satana, ddawoona, Apwiya yuuhumullulle! Apwiya ayo yamutthoollille Yerusalemu yuuhumullullesese. Ethiyo muthu khari wonanko ekhuni yoothumulliwa viikho?”