2 Epilli 6:5 - Mawu a Mulluku

⁵ ‘Ovenyera nllapo nno kaakhumihalleemi Aisraele, athwaaka mu Iguputo, nguutthoonlle orive muzinda variyari va malloko mattheene a Aisraele wi mumakiwe enyumba yoollapellamo nnddina naka. Nave ngaamutthoollille muthu okhalla mwene owaalamulella Aisraele athwaaka.

2 Epilli 6:5 ပူးပေါင်းရင်းမြစ်များ

Daniele 9:19

Nyu Apwiya, apellani maaru. Nyu Apwiya nikhululukelleni. Nyu Apwiya, niiwellelleni nave mweerevo ello nave muhiselliwe ekaamba ya nnddina nanyu nave ekaamba ya muzindaanyu navettho athwaanyu enaromolliwa ni nnddina nanyu, nyu Mulluku.”

1 Mamwene 8:16

Yaallota wi, ‘Ovenyera nllapo nno kaakhumihalleemi Aisraele, athwaaka mu Iguputo, ngawuutthoonlle orive muzinda variyari va malloko mattheene a Aisraele wi mumakiwe enyumba yoollapellamo nnddina naka. Koma kaamutthoolla Davide wi aalamulelleke athwaaka Aisraele.’ ”

1 Samuele 15:23

Owukila tti ochimwa wonanko woombesa makhanga. Wiitukhulla tti ochimwa wonanko ollapella milluku ddooromolliwa terafimu. Vawi wookhoota weera nnddo Apwiya yuulleelliiwa, aaganizattho wi weyaano ohikhalle mwene.”

1 Samuele 10:24

Vano Samuele ahaakoha wi, “Ethiyo munnamoona muthu oyo Apwiya emutthoonlliiwa? Khaavo mmodda oophwanaphwana ni yoolla variyari vanyu.” Sika athu attheene yaakhuwa wi, “Amwene ekhalle ni okumi woorekama!”

Deuteronomo 12:11

Sika Apwiya eneerotthoolla nipuro noollapellavo wi ekeraatthihevo nnddina niwa nave muneerekowaana wenko ddittheddene kuulamulalleemini monga mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella ddoohiwatiheriwa navettho ddoovelleella ddanyu ddoollupella.

Deuteronomo 12:5

Apwiya eneerotthoolla nipuro nimodda mwiillaponi mwanyu wi ekeraatthihemo nnddina niwa nave athu attheene eneerekollapella va nipuro nenno. Wenko muneeroyaawo

Eksodo 23:21

Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

2 Epilli 6:4

Nave aallota wi, “Etitimihiwe Apwiya Mulluku a Aisraele, ayo ekwakhwanihalle ni masiviiwa nnddo yalonjezilliiwa wa Davide attiitthaaka yaallota wi,

2 Epilli 6:6

Koma vano kimutthoollille Yerusalemu okhalla nipuro nawi ekillapellekemo nave kimutthoollille Davide wi aalamulelle Aisraele athwaaka.’ ”

2 Mamwene 21:4

Aamaka makuwa mu enyumba ya Apwiya eyo alliwa yallotilleewe wi, “Nnddina naka nineerokhalla mu Yerusalemu.”

1 Epilli 17:5

Miyaano nginakhalleke mu enyumba waambeella nllapo nne kaakhumihalleemi Aisraele mu ellapo ya Iguputo ophiyera ollello. Kookhalla kiyaaka nngu ni nngu nave mookhalla mwaka mwaari m'musasani.

2 Epilli 6:20

Weherakani enyumbeella otthaana ni mahiiyu, nipuro nno mwaanithoollilleenyu wi nnddina nanyu nikhalleke mwemmo wi mwiiwe nivekello nno anaavekelle oorumeyellaanyu onipuroni wuno.

2 Epilli 7:16

Vawi vano kootthoolla ni opatula enyumbeella wi nnddina naka nititimihiwekemo wa enthawi yoohimalla. Miitthwaaka ni murimaaka ddinaakhalleke mwemmo enthawi ddittheddene.

2 Epilli 12:13

Vano mwene Rehobowamu aakeraatthiha omwenaaye mu Yerusalemu nave aalamulella. Aari ni miyakha 41 aambeeye olamulella nave aalamulella miyakha 17 mu Yerusalemu, muzinda oyo yatthoollille Apwiya variyari va malloko mattheene a Israele wi yaallapellekewo. Amennya yaari Naama Muamoni.

2 Epilli 20:8

Vano enakhalla mwemmo nave yoomakamo enyumba ya nnddina nanyu enallota wi,

2 Epilli 20:9

‘Otulli woonimorella, nsupada, echiweruzo, mullilli apaalle ettalla, nineerewiimella va enyumbaanyu vawi nnddina nanyu niri vaava. Vano nineerokhuwella wa nyu ekaamba ya ddookatamiha ddahu, muneerewiiwa nave muneeronivullusa.’

2 Epilli 30:8

Vano muhummihe makohaanyu wonanko makhollwaanyu koma mwiivelleelle wa Apwiya nave muweeke o enyumbiiwa eyo eyeellihalliiwa wa enthawi yoohimalla. Nave mwaarumeyelle Apwiya Mullukwaanyu wi osha murima waye wawoopiha ovenyihiwe va nyu.

2 Epilli 33:4

Aamaka makuwa mu enyumba ya Apwiya eyo alliwa yallotilleewe wi, “Nnddina naka nineerokhalla mu Yerusalemu wa enthawi yoohimalla.”

2 Epilli 33:7

Aahiya mu enyumba ya Mulluku nifano noosema. Enyumba eyo Apwiya yamulleelliiwa Davide ni mwanaye Solomoni wi, “Mu enyumba yeella ni mu Yerusalemu sika kitthoonlleemi variyari va malloko mattheene a Israele wi ekillapellekemo wa enthawi yoohimalla.

Ezara 7:16

Omukusettho siliva ni golide oyo oninyiweewe mu echigawo ettheene ya Babiloni navettho emphaso nnddo athu ni allupa mukutho enapaalliiwa ovelleella o enyumba ya Mullukwiiwa eyo eri mu Yerusalemu.

Zekariya 3:2

Mungelo a Apwiya aamulleella Satana wi, “We Satana, ddawoona, Apwiya yuuhumullulle! Apwiya ayo yamutthoollille Yerusalemu yuuhumullullesese. Ethiyo muthu khari wonanko ekhuni yoothumulliwa viikho?”