2 Epilli 6:42 - Mawu a Mulluku

⁴² Nyu Apwiya Mulluku, muhimureye etulli oozoziwaanyu!* Upuwellani echikondaanyu yoohisintheya wa Davide oorumeyellaanyu.”

2 Epilli 6:42 ပူးပေါင်းရင်းမြစ်များ

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Masalimo 132:1

Nyu Apwiya, muupuwelleni Davide ni ddookatamiha ddittheddene nnddo avillenlleeye.

Mitteko 13:34

Dda omuvenyiha olliye wa ookhwa nave ohimuhiya wi untellettho mu mahame, Mulluku aallota khalle wi, ‘Kineerewuuvaha madaliso aweella ni oororomelleya ayo kalonjezilleemi khalle wa Davide.’

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Masalimo 132:10

Ekaamba ya oorumeyellaanyu Davide, muhimureye etulli oozoziwaanyu.*

Masalimo 89:28

Kineeromukonda enthawi yoohimalla ni echikondaaka yoohisintheya, echipanganwaaka ni olliye khetathiya.

Masalimo 89:24

Ororomelleya waka ni echikondaaka yoohisintheya eneerokhalla ni olliye, aneeropambana ekaamba ya nnddina naka.

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

1 Mamwene 2:16

Nave kinaaka kuuvekeni ello emodda, sika muhikiwatteelle.” Batesheba ahaakhulla wi, “Llota.”

1 Mamwene 1:34

Wenko mullupa mukutho Zadoki ni namallotella Natani yamuzoze wi akhalle mwene a Israele. Vatulli viwa moope nipallapata ni okhuwa wi, ‘Mwene Solomoni akhalle ni okumi woorekama!’

Masalimo 84:10

Okhalla nllapo nimodda mu nipuro nanyu tti waphaama wunchichi okhwaranya okhalla mallapo manchichi orive weko. Ddeerokiddivella okhalla va mullako wa enyumba ya Mullukwaaka okhwaranya okhalla mpa mwa athu oonanara.