2 Epilli 6:41 - Mawu a Mulluku

⁴¹ Vano nyu Apwiya Mulluku, venyani, muwe onipuroni nanyu nawiithuuwellawo, nyuwaano ni nibokosi na masivaanyu. Nyu Apwiya, allupa mukuthwaanyu eware echilungamo athu oororomelleyaanyu ehakallallena ddaphaama ddanyu.

2 Epilli 6:41 ပူးပေါင်းရင်းမြစ်များ

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

1 Epilli 28:2

Vano mwene Davide ahiimella allota wi, “Nyu asinnaka ni athwaaka, kaapelleni maaru. Kaakhalla ni maganizo m'murimani mwaka awi kimake enyumba yoohiyamo nibokosi na echipangano na Apwiya nno ninaakhalle wonanko nipuro noonyingallavo Apwiya Mullukwaahu. Nave kaakhozekella khalle ddoomaka enyumbeeyo.”

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Masalimo 132:16

Allupa mukuthwaaye kineerewaawariha ovullusa oororomelleyaaye eneerokhuwa moohakallalla.

Nehemiya 9:25

Nave yaagonjiha mizinda dduullupalli, yahaakha ellapo ya ethaya yaphaama, enyumba ddooddalla ni ddeko ddittheddene ddaphaama, ehime ddookatakata, emata ddampesa, dda olivi ni dda ezipaso ddimodda. Sika yaanacha, yaanavona mwawi yaananeneva nave yaanahakallalla ekaamba ya ddaphaama ddanyu dduullupalli.

Yawuupullulla 19:14

Akhoto ooddullu yaamuthwara, ewenlle akavalo aweella nave ewanre ekuwo ddaweellesesa.

Yawuupullulla 19:8

Oovahiwa ekuwo yaweellesesa wi aware.” (Ekuwo yaweelleseseeyo sika mitteko ddoolungama dda athu a Mulluku.)

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Agalatiya 3:27

Mwaabatiziwa mwawaattana ni Khrisitu nave vano moowara okumi wa Khrisitu wonanko yoowara yanaanweene.

Aroma 13:14

Koma muwaakhullelle Apwiya Yesu Khrisitu wi ekhalle yoowaraanyu yakhoto. Nave muhiiwellelleke omuthwaanyu voopaallani okwakhwaniha minkhella ddiwa.

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Yesaya 61:6

Koma muneerekoromolliwa allupa mukutho a Apwiya, muneerekeweeriwa oorumeyella a Mulluku. Muneerekoocha eyuuma ya mitundu ddimodda muneerekokotella ntitimiho niwa.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Masalimo 110:2

Apwiya eneerowunnuwiha omwenaawo wamasiva ovenyera o Ziyoni. “Khalla mwene owaalamulella adanaawo.”

Masalimo 65:11

Vamuyakhani munnavelleella ddoohata ddinchichi moollikana ni oreera murima wanyu, Orive weko munayeenyuwo, onnaphwanyeya ddeko ddinchichi.

Masalimo 65:4

Oodalisiwa tti muthu oyo mwamutthoonlleenyu oyo munamweeriheenyu wi akhalleke m'mathatonaanyu. Munivonihe ni ddeko ddaphaama dda mu enyumbaanyu, enyumbaanyu yaweella.

Yoswa 3:13

Allupa mukutho ootukhulla nibokosi na echipangano na Apwiya, Apwiya a ellapo yavatthi ettheene, yanyingalla maaddaayo, maaddi mattheene a muhinje wa Yordani oovenyera omwaako eneerohiya weeta nave eneerewiimella wonanko esiri.”