2 Epilli 6:30 - Mawu a Mulluku

³⁰ mwiiwe mavekellwiiwa oddullu munakhalleenyuwo, mwaakhululukelle. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

2 Epilli 6:30 ပူးပေါင်းရင်းမြစ်များ

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yohane 2:25

Khavaapaalleyattho wi mmodda amulleelle dda yaayo kaambiiwa olliye yeekhaaye aadduwella mirima ddiwa.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Ezekiele 18:30

“Sika vano mi Apwiya Mulluku kinallota wi, arive muthu mwa nyuwaano Aisraele kineeromweeruza moollikana ni mitteko ddaye. Rukunuwani murima, hiyani ddoonanara ddanyu wi machimwaanyu ehiwoonongeni.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Masalimo 62:12

Navettho nyu Apwiya, echikondaanyu tti yoohisintheya, nyuwaano munnamuhokollosella muthu moollikana ni mitteko ddaye.

1 Mamwene 8:39

mwiiwe mavekellwiiwa oddullu munakhalleenyuwo, mwaakhululukelle ni waakavihera. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

2 Epilli 6:29

mwiiwe mavekellwiiwa. Arive muthu apaalle athwaanyu a Israele yadduwella ddookatamiha m'murimani mwiwa nave yavekella wa nyuwaano mootukhullella mattiiwa muddullu o enyumbeella,

2 Epilli 6:31

Mwawi ddiidda athwaanyu eneerekowoovani, eneerekowiiwellellani mallapo mattheene enaakhalliiwa mu ellapo eyo mwaavahilleenyu makhollwaahu.

Miyambo 15:11

Ellapo ya ookhwa ni woonongeya ddiri vamiitthoni va Apwiya. Yookatamiha ttiivi ni mirima dda athu?

1 Epilli 29:19

Muvaheni Solomoni mwanaka murima wawiivelleella wi asungeke malamulwaanyu, ehuddihwaanyu ni malangizwaanyu navettho opaalla weera erive ello wi amake enyumba eyo kiyikhozekelleemi.”

Masalimo 7:10

Mulluku sika echishangwaaka, annaavullusa athu oolungama.