2 Epilli 6:26 - Mawu a Mulluku

²⁶ “Oddullu wawalleya, murimu ahirupa kaambiiwa athwaanyu ahuuchimwellani nave yavekella va enyumbaanyu, elapa mu nnddina nanyu ni orukunuwa murima vawaallakani nyuwaano,

2 Epilli 6:26 ပူးပေါင်းရင်းမြစ်များ

Deuteronomo 28:23

Murimu kharupa nave ethayaanyu eneerewumma wonanko nlluku.

Deuteronomo 11:17

kaambiiwa Apwiya eneerewuushellani murima, eneerowiimanani murimu nave ethaya eneerewumma sika khamuhataka ddeko. Nave muneerewoonongeya mwawaakuva mwiillaponi yamukaka ni enwi eyo Apwiya enuuvahiiwani.

Levitiko 26:19

Kineerowoononga masiva munakotellaanywaayo nave kineerotthattusa mirapo wi ddikhalle ddawumma navettho ethayaanyu wi ekhalle wonanko nlluku.

Yawuupullulla 11:6

Aakhalla ni olamulello wommaka murimu wi ahirupe va enthawi enallotelliiwa. Aakhallattho ni olamulello wootthattusella aneetuutu amaaddi okhalla nikhame. Aakhallattho ni olamulello woowiiha millilli ddoohiyanahiyana va ellapo yavatthi enthawi enapaalliiwa.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Ezekiele 14:13

We mwaana a muthu, ellapo yakichimwella voohikiroromellani, kineeroyoononga nave kineeroyeviha yoochiiwa. Kineerorumiha ettalla mwiillaponimmo nave kineerowoononga athu ni enama.

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Luka 4:25

“Ddawoona, kinimuulleellani wi mwaakhalla anaamukhwelle anchichi mu Israele m'mallaponi a namallotella Eliya, waramilliiwa murimu wa miyakha miraru ni miyeri mitthanu ni mmodda nave waakhalla ettalla yuullupalli mu ellapo ettheeneeyo.

2 Epilli 6:25

mwiiwe oddullunko ni waakhululukella machimo athwaanyu Aisraele. Vatulli viwa, mwaahokolloselle o ellapo eyo mwaavahilleenyu makhollwiiwa.

2 Epilli 7:13

Katiyella oddullu ni ommaka murimu wi ahirupe apaalle karumiha nazombe wi oononge mmiddo wa va ellapo yavatthi apaallettho karumiha mullilli variyari va athwaaka