2 Epilli 6:18 - Mawu a Mulluku

¹⁸ “Koma nyu Apwiya, ttuukhalla ni athu veellaponi yavatthimva? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

2 Epilli 6:18 ပူးပေါင်းရင်းမြစ်များ

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

2 Epilli 2:6

Koma ttaani anaawore waamakella enyumba vawi oddullu woowellesesa khonaakwakhwanella? Mi kiri aani awi ttuuwora waamakella enyumba ohiri nipuro nawoosellavo lubani vamiitthoni viwa?

2 Akorinto 12:2

Kinnamudduwella ookhulupilila mmodda aamullopwana oyo aakusiwe oya oddullu miyakha khumi ni misese ddivirallennddo (nginadduwella wi nndda ddaheereya apaalle ddaari ddoolloha, anadduwella tti Mullukuve).

Mitteko 17:24

Mulluku, oyo aphatusalle ellapo yavatthi ni ddeko ddittheddene ddiri mwemmo, sika tti Apwiya ooddullu ni ellapo yavatthi nave khanakhalla mu enyumba ddoollapellamo ddoomakiwa ni athu.

2 Epilli 32:15

Sika muhaakhullelle wi Hezekiya awoottottheni apaalle wuuhollosani mwawi ddiidda nave muhimuroromelle vawi khaavo naari mulluku mmodda a mutundu wa athu apaalle a omwene aworille waavullusa athwaaye m'mattani mwaka apaalle m'mattani mwa makhollwaaka. Sika ttiwoohiworeya wi Mullukwaanyu uuvulluseni m'mattani mwaka!’ ”

Mateyu 7:11

Naari muri oonanara munnadduwella waavaha aniinyu ddeko ddaphaama. Attiitthaanyu ooddullu ennavaha ddeko ddaphaama wuukhwaranyani nyuwaano wa ayo enamuveka.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Masalimo 68:18

Nyuwaano mwaawella oddullu, mwahaaphara athu anchichi monga amundende, mwahaakhella emphaso wa athu, naari wa athu oowukila, wi mwakhallekena wenko, nyu Apwiya Mulluku.

Yobu 9:14

Vano miyaano ttuumwaakhulla mwawiidde? Nave maweene kinaakuse wuuwi?

Yobu 4:19

Mwawiidde muthu awoopiwa ni olloko, oyo matthipellwaaye tti ethaya, oyo anaanyenyeye wonanko enjenjete.

1 Mamwene 8:27

“Ethiyo Mulluku ttuukhalla va ellapo yavatthi? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Mateyu 12:6

Vano kinimuulleellani wi vookhalla mmodda vaava muullupalli ohiyana ni enyumba ya Mulluku.

2 Epilli 6:17

Sika vano, nyu Apwiya Mulluku a Israele, akhullellani wi nnddo mwaalonjezilleenyu attiitthaaka Davide oorumeyellaayu, ddikwakhwanihelliwe.

2 Epilli 6:19

Nyu Apwiya Mullukwaaka, mi tti oorumeyellaanyu, iwani nivekello naka ni okhuwa waka vamiitthoni vanyu ollello.

2 Epilli 2:5

Enyumba kinaamakeemi enaakhalle yuullupalli vawi Mullukwaahu tti muullupalli okhwaranya milluku ddittheddene.