2 Epilli 6:12 - Mawu a Mulluku

¹² Vano Solomoni ahiimella vahoollo va nikuwa na Apwiya, mutthukumano wa Aisraele attheene woonaka nave aatukhullella mattaaye muddullu.

2 Epilli 6:12 ပူးပေါင်းရင်းမြစ်များ

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Masalimo 143:6

Kinnattaphurusella mattaaka wa nyuwaano, murimaaka onnavolliwa nthona nawuupaallani, mmo muneerella ellapo yawumma.

Masalimo 63:4

Kineerewuutitimihani mallapo mattheene a okumaaka, kineerotukhullella mattaaka wa nyuwaano moovekella.

Yobu 11:13

We Yobu, potokosa phaama murimaawo, tukhullella nnatta nawo wa Mulluku.

Eksodo 9:33

Mose aavenyawo wa Farao wulle, akhuma m'muzindanimmo nave aavekella wa Apwiya. Vano ogugudeya wa murimu wulle ni marallallaalle ddaahiya navettho murimu aamwara.

1 Timoteo 2:8

Kinapaalla wi allopwana evekelleke m'mapuroni muttheene ni owelliha muddullu matta aweella moohivaanyihana apaalle moohikangana.

Masalimo 141:2

Nivekello naka niwelle wa nyuwaano wonanko lubani,* otukhullella muddullu wa mattaaka okhalle wonanko mukutho wamisikuwa.

Masalimo 68:31

Mamwene eneeroowa ovenyera o Iguputo, a o Kushi eneerewaakuva omugonjella Mulluku, voowellihani mattiiwa wa olliye.

Masalimo 28:2

Iwani oveka waka, kaawinllellakani wi mukikavihere, kawuullapellakani mootukhullella muddullu mattaaka oweha o nipuro nanyu naweella.

2 Mamwene 23:3

Vano mwenooyo ahiimella va opoto woomwene nave aakeraatthiha echipangano vamiitthoni va Apwiya wi aneerothwara ettilla dda Apwiya nave wi aneerewiiwellella malamulwiiwa ni malangizwiiwa ni murimaaye muttheene navettho ni okumaaye mutthewene nave wi aneereweera mawu a mu echipangano ayo elembiwe munibukhuninna. Sika athu attheene yahaakhullella othwara echipanganweeyo.

2 Mamwene 11:14

Awehille, aamoona mwene iimenlle vanttatthani naye moothwara mutetho wa omwene, oohoollella ni athu awiipa mapallapata emwaaphenlle. Athu attheene a mu echigawommo yaanahakallalla yiipaka mapallapata. Sika Ataliya ahaahulla ddoowara ddaye nave mookhuwa ni moosha murima aallota wi, “Owukila! Owukila!”

2 Epilli 6:11

Nave kookhoza nipuro noohiyavo nibokosi na echipangano mmo muri mabukhu a mawu a echipangano eyo Apwiya yakeraatthihalliiwa ni Aisraele.”

2 Epilli 6:13

Solomoni aamaka nttattha namukuwa, mamita meelli orekama ni okhuveya wiwa ni mita emodda ni hafu oya muddullu nave aanihiya variyaririyari va nthatonno nave aawellavo, akokhora mutthukumano muttheene wa Aisraele woonaka nave aatukhullella mattaaye muddullu.