2 Epilli 5:2 - Mawu a Mulluku

² Vano mwene Solomoni aawiithana attekweene a o Israele, oohoollella attheene a malloko ni attekweene a mabanja Aisraele wi ewe wa olliye o Yerusalemu wi yakuse nibokosi na echipangano na Apwiya mu Ziyoni, muzinda wa Davide.

2 Epilli 5:2 ပူးပေါင်းရင်းမြစ်များ

2 Samuele 6:12

Vano Davide ahiiwa wi Apwiya aamudalisa Obedi Edomu ni nibanja naye nittheene ni ddeko ddaye ddittheddene aariiyena ekaamba ya nibokosi na echipanganonno. Sika aayaawo akusawo nibokosi na echipangano ovenyera o enyumba ya Obedi Edomu, ayaana o muzinda woowaniwa, Yerusalemu, ahakallallaka.

2 Epilli 1:4

Koma Davide aawaana nibokosi na echipangano na Apwiya ovenyera o Kiriyati Yearimu aphiyana o nipuro nko akhozilleeye vawi aanitthipellella musasa o Yerusalemu.

Masalimo 87:2

Apwiya ennakonda millako dda Ziyoni okhwaranya orive weko nko Yakobo anakhalleeyewo.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

2 Epilli 5:12

Nave Alevi attheene awiipa machipo monga Asafu, Hemani ni Yedutuni, aniiwa ni abaliiwa oowara ekuwo ddabafuta aphaama eri ni misangwa, azeze ni magitala, yahiimella o embali ya wookhuma nndduwa wa nikuwa ni allupa mukutho 120 ayo yiipa mapallapata.

2 Epilli 5:1

Vano Solomoni amallihalleeye mutteko muttheene va enyumba ya Apwiya, aahiyamo ddeko nnddo attiitthinnya Davide yaddipatulelliiwa wa Apwiya monga siliva, golide ni eziwiya. Yaaddihiya mu ddoosungellamo eyuuma mu enyumba ya Mulluku.

1 Epilli 28:1

Davide ahaalamula attekweene attheene a Israele wi etthukumane mu Yerusalemu monga oohoollella attheene a malloko, a mitteko dda omwene, a milloko ayo yamurumeyella mwene, a akhoto anchichi, alonda a eyuuma ettheene ni eng'ombe dda mwene ni aniiwa, enduna dda o enyumba yoomwene navettho athu amasiva ni akhoto attheene oollipa murima.

1 Epilli 26:26

Shelemoti ni abalaaye yawehera eyuuma ya emphaso ddoovelleelliwa ni mwene Davide ni oohoollella a mabanja, oohoollella a athu anchichi ni oohoollella a milloko dda akhoto.

1 Epilli 24:31

Oohoollella a mabanja yaalla, ang'onong'ono ni uullupalli yahoombesattho wi edduwelle mitteko ddiwa wonanko mmo yeerille abaliiwa, anamwani a Aroni. Yaheera ddenndda vamiitthoni va mwene Davide, Zadoki, Ahimeleki ni oohoollella a mabanja a allupa mukutho ni a Alevi.

1 Epilli 24:6

Nave milloko miilli dda edduullunndda ddaheera woombesanko moothwarana. Nave namalembella Shemaya mwaana a Netanele Mulevi ahaalemba manddiniiwa vamiitthoni va mwene, enduna ddaye, mullupa mukutho Zadoki, Ahimeleki mwaana a Abiyatara ni oohoollella a mabanja a allupa mukutho ni a Alevi. Nibanja nimodda natthoolliwe ovenyera wa Eleazara nave nimodda ovenyera wa Itamara.

1 Epilli 16:1

Vano athu yaawaana nibokosi na Mulluku nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.

1 Epilli 15:25

Sika mwene Davide ni attekweene a Aisraele navettho uullupalli a akhoto 1,000, moohakallalla yaaya yakusa nibokosi na echipangano na Apwiya o enyumba ya Obedi Edomu.

1 Epilli 15:12

Nave ahaalleella wi, “Nyu tti oohoollella a mabanja a makhollo a Alevi. Muddeellihe weekhiinyu ni abalaanyu wi mwakuse nibokosi na echipangano na Apwiya Mulluku a Aisraele nave mwanihiye o nipuro nno kakhozilleemi.

2 Samuele 5:7

Koma Davide ahaakha mpandiiwa wa Ziyoni awuromolla wi muzinda wa Davide.

Numeri 10:36

Murapooyo wiimella, Mose aanallota wi, “Apwiya hokollweellani wa Aisraelaanyu ooheerengeya.”

Numeri 10:33

Sika yaatimulla ovenyera va mwaango wa Apwiya, yeeta olendo wa mallapo mararu. Yaahoolla ni nibokosi na echipangano na Apwiya wi athu attheenaalle yaphwanye nipuro nawiithuuwellavo.

Levitiko 9:5

Ddittheddene nnddo Mose aalamulalleeye athwaayo yaawaana vanthatoni na musasa wamutthukumano. Nave athu attheene yaasusera vakhuviru wi yaallapella Apwiya.

1 Epilli 15:1

Davide aamaka enyumba ddimodda mu muzinda wa Davide. Nave aakhoza nipuro na nibokosi na echipangano na Apwiya atthipella musasa moohiyamo nibokosinno.

1 Epilli 15:3

Nave ahaatthukumaniha Aisraele attheene a o Yerusalemu wi yakuse nibokosi na echipangano na Mulluku, eweena o nipuro niwa nko anikhozelleeye.