2 Epilli 5:14 - Mawu a Mulluku

¹⁴ Nave allupa mukutho kheyaawora orumeyella ekaamba ya murapooyo vawi ntitimiho na Apwiya naaddalla mu enyumba Ya Mulluku.

2 Epilli 5:14 ပူးပေါင်းရင်းမြစ်များ

Eksodo 40:35

Mose khaaworille ovollowa kaambiiwa murapooyo waari mwemmo nave ntitimiho na Apwiya naaddalla mu musasooyo.

1 Mamwene 8:11

Nave allupa mukutho kheyaawora orumeyella ekaamba ya murapooyo vawi ntitimiho na Apwiya naaddalla mu enyumbiiwa.

2 Epilli 7:2

Nave allupa mukutho kheyaawonre ovollowa mu enyumba ya Apwiya ekaamba yawi ntitimiho na Apwiya naaddallamo.

Yawuupullulla 15:8

Enyumba ya Mulluku yaaddalla ni mwiisi woovenyera o ntitimiho ni masiva a Mulluku nave khaarivo aworille ovollowa mu enyumba ya Mullukweeyo ophiyera millilli mitthanu ni miilli ddawiihiwe ni angelo atthanu ni eellaalle ddimallille.

Ezekiele 10:4

Ntitimiho na Apwiya naavenyavo mvo naariiwa, vaddullu va akerubi, naphiya vatthi va mullako wa enyumba ya Mulluku nave enyumbeeyo yaaddalla ni murapoolle. Vano ntitimiho noowala na Apwiya naaddalla va nthato.

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

Eksodo 29:43

Wenko sika kinaakumanekeemi ni Aisraele nave nipuro nenno nineerokhalla naweella ekaamba ya ntitimiho naka.

2 Epilli 7:1

Solomoni amallihalle ovekella, munllo waakittha ovenyera oddullu woosa mukutho wooshellelliha ni mikutho ddimodda. Nave ntitimiho na Apwiya naaddalla mu enyumba Ya Apwiya.

2 Epilli 20:6

nave aallota wi, “Nyu Apwiya Mulluku a makhollwaahu, ethiyo khemuhiyo Mulluku oyo ari oddullu? Ethiyo khemuhiyo nyu munalamulella moomwene mattheene? M'mattani mwanyu mookhalla masiva ni ottekweene, sika wi khaavo muthu anaawore ollipana ni nyu.