2 Epilli 5:12 - Mawu a Mulluku

¹² Nave Alevi attheene awiipa machipo monga Asafu, Hemani ni Yedutuni, aniiwa ni abaliiwa oowara ekuwo ddabafuta aphaama eri ni misangwa, azeze ni magitala, yahiimella o embali ya wookhuma nndduwa wa nikuwa ni allupa mukutho 120 ayo yiipa mapallapata.

2 Epilli 5:12 ပူးပေါင်းရင်းမြစ်များ

1 Epilli 15:24

Allupa mukutho, Shebaniya, Yoshafati, Natanele, Amasai, Zekariya, Benaya ni Eliyezere sika yaphwanella wiipa mapallapata vahoollo va nibokosi na echipangano na Mulluku. Obedi Edomu ni Yehiya alliwa yaarittho alonda a nibokosinno.

Masalimo 68:25

Oowiipa machipo eri vahoollo, oowiipa ni ezipangizo eri mutulli, anamwalli awiipa asikoma eri variyari.

2 Epilli 29:25

Vano ahaahiya Alevi o enyumba ya Apwiya ni ezida ddawiipella machipo moollikana ni lamulo na Davide ni namallotella Gadi, oollohella a mwene, ni namallotella Natani. Vawi lamulo nenno tti na Apwiya oyeella mwa anamallotelliiwa.

2 Epilli 7:6

Allupa mukutho yahiimella m'mapuroni mwiwa mvo Alevi yiipiiwa machipo waatitimiha Apwiya voopharihani mutteko ezida ddiwa. Ezidanndda ddapangiwe ni Davide nave ddapharihiwa mutteko vawiipani nchipo na echikondi yoohisintheya ni yoohimalla ya Apwiya. Moowehana ni alliwaayo allupa mukutho yaaniipa mapallapata nave Aisraele attheene yaaniimella.

1 Epilli 23:5

4,000 enaakhalle alonda avamullakoni nave 4,000 enaakhalle owaallapella Apwiya voopharihani mutteko ezida ddawiipella nnddo kiddipangilleemi.”

1 Epilli 6:39

Asafu aari oohoollella mulloko waneepiilli wa awiipa machipo. Olliye aari mwaana a Berekiya, mwaana a Shimea,

1 Epilli 6:33

Alla sika yarumeyella ni edduullu ddiwa. Va nibanja na Kohati vaakhalla Hemani muthu eeruso yawiipa, mwaana a Yowele mwaana a Samuele,

Yawuupullulla 19:8

Oovahiwa ekuwo yaweellesesa wi aware.” (Ekuwo yaweelleseseeyo sika mitteko ddoolungama dda athu a Mulluku.)

Yawuupullulla 15:6

Nave angelo atthanu ni eelli ayo yaari ni millilli mitthanu ni miilli yaakhuma mu enyumba ya Mullukummo, ewanre ekuwo ddaweellesesa, emakenlle mikhwamba dda golide va ekhakadda ddiwa.

Masalimo 149:3

Etitimihe nnddina niwa vawiinani, ewiipelle nchipo nooriya ni ekoma owaaka azeze.

Masalimo 92:3

voowiipani machipo ni echida ya enthambo khumi, gitala ni zeze.

Masalimo 88:1

Nyu Apwiya Mulluku oovullusaaka, kinninllella otthaana ni mahiiyu.

Masalimo 62:1

Murimaaka onnamaalleya omutiyera Mullukuve, ovullusiwa waka onavenyera wa olliye.

Masalimo 50:1

Apwiya Mulluku Amasiva Mattheene animallota, anawiithana athu attheene a va ellapo yavatthi, ovenyera wookhuma nndduwa ophiyera woovollowa nndduwa.

1 Epilli 23:30

Nave eneerekewaatitimihamo Apwiya orive ohinase ni orive misikuwa

1 Epilli 15:27

Nave Davide aari awarille mukanjo wabafuta wonanko mmo yawarelle Alevi ayo yatukhulla nibokosi na echipangano navettho athu awiipa machipo woonjereravo Kenaniya oohoollella machipo. Sika Davide aawarattho Efodi.

1 Epilli 13:8

Vano Davide ni Aisraele attheene yaari ehakallallaka ni murimiiwa muttheene vamiitthoni va Mulluku, enamwiipella machipo ni azeze, magitala, ekoma, misangwa ni mapallapata.

2 Epilli 29:26

Alevi yahiimella ekusalle ezida ddawiipella machipo dda Davide nave allupa mukutho yakusalle mapallapata.