2 Epilli 36:5 - Mawu a Mulluku

⁵ Yehoyakimu aari ni miyakha 25 avolloweeye omwene nave aalamulella miyakha khumi ni mmodda o Yerusalemu. Olliye aheera ddoonanara vamiitthoni va Apwiya Mullukwaaye.

2 Epilli 36:5 ပူးပေါင်းရင်းမြစ်များ

Yeremiya 26:1

Vawaamba va olamulello wa Yehoyakimu mwaana a Yosiya mwene a o Yuda mawu a Apwiya yaawa wa Yeremiya wi,

Yeremiya 36:1

Mawu a Apwiya yaawa wa Yeremiya mu muyakha waneesese wa omwene wa Yehoyakimu mwaana a Yosiya, mwene a o Yuda wi,

Yeremiya 35:1

Va enthawi eyo Yehoyakimu mwaana a Yosiya aariiye mwene a o Yuda, mawu a Apwiya yaawa wa Yeremiya wi,

Yeremiya 1:3

Mawu a Apwiya yaawattho wa olliye va enthawi ya Yehoyakimu, mwaana a Yosiya, mwene a o Yuda ophiyera mweeri waneetthanu wa muyakha waneekhumi ni mmodda wa Zedekiya mwaana a Yosiya mwene a o Yuda mvo athu a o Yerusalemu yaphariwiiwa okaporo.

Yeremiya 45:1

M'muyakha waneesese wa omwene wa Yehoyakimu mwaana a Yosiya mwene a o Yuda, namallotella Yeremiya aamulamula Baruki wi aalembe mawu allotilleeye. Sika aamulleella wi

Daniele 1:1

Muyakha waneeraru wa mwene Yehoyakimu a o Yuda, Nebukadinezara mwene a o Babiloni aahella ekhoto muzinda wa Yerusalemu.

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.