2 Epilli 35:3 - Mawu a Mulluku

³ Vatulli viwa aallota ni Alevi ayo yaahuddiha Aisraele attheene nave yaari oopatuleya wa Apwiya wi, “Muhiye nibokosi naweella mu enyumba eyo Solomoni mwaana a Davide mwene a o Israele amakilleeye. Vano khemunireyakattho va mathuri vanyu. Arumeyelleni Apwiya Mullukwaanyu ni Aisraele athwiiwa.

2 Epilli 35:3 ပူးပေါင်းရင်းမြစ်များ

1 Epilli 23:26

Sika khe woopaalleyattho wi Alevi etukhulleke musasa wa ophwanyeya wa Apwiya apaalle eziwiya dda mallapello.”

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

2 Epilli 30:22

Vano Hezekiya aallota moowaallipiha murima Alevi attheene yaphanre mutteko wa Apwiya mweeruso. Sika athu yaacha va machellello wa mallapo matthanu ni meelli, ovelleella mikutho ddeeyaattano ni waathokoza Apwiya Mulluku a makhollwiiwa.

Deuteronomo 33:10

Alliwa sika enaamuhuddihe Yakobo malangizwaanyu, sika enaahuddihe Aisraele malamulwaanyu. Eneerewoosa lubani* vamiitthoni vanyu, eneerovelleella mikutho ddooshellelliha ddamututha va nikuwa nanyu.

2 Akorinto 4:5

Vawi ninallalleyeehu khe dda hiyaano koma ninallalleya dda Yesu Khrisitu wi tti Apwiya. Nave hiyaano wi tti oorumeyellaanyu ekaamba ya Yesu.

2 Epilli 5:7

Vano allupa mukutho yaatukhulla nibokosi na echipanganonno eyaana mu enyumba ya Apwiya enihiya mu echipinda yoopatuleyesesa, vatthi va muuphello a akerubi.*

2 Epilli 34:14

Vano yakhumihiiwa makobiri ayo yawiilliiwana o enyumba ya Apwiya, Hilikiya mullupa mukutho aaniphwanya nibukhu na malamulo a Apwiya ayo yinnyiwe oweella mwa Mose.

2 Epilli 8:11

Solomoni aamukusa mwaana aamutthiyana a Farao ovenyera o muzinda wa Davide awaana onyumbani eyo ammakelleeye mutthiyanooyo vawi aallota wi, “Mwaaraka ahikhalleke mu enyumba ya Davide, mwene a Israele ekaamba yawi nipuro nno naatamenlle nibokosi na echipangano na Apwiya tti naweella.”

Numeri 8:19

Alevaayo kohaakusa variyari va Aisraele nave kohaavelleella wonanko emphaso wa Aroni ni anaaye wi erumeyelleke munipuroni mwa Aisraele mu musasa wamutthukumano. Yeereke mutetho woopepesella machimo a Aisraele wi mullilli ohaamorelle Aisraele ayo enaawatamelle vakhuviru ni nipuro oopatuleya.”

2 Epilli 17:7

Muyakha waneeraru wa omwenaaye aaruma enduna ddaye, Benihali, Obadiya, Zekariya, Netanele ni Mikaya wi yahuddihe o mizinda dda Yuda.

Eksodo 32:29

Vano Mose ahaalleella Alevaayo wi, “Ollellova mohiipatula weekhiinyu wi mukhalle allupa mukutho owaarumeyella Apwiya, voowiiphani aniinyu ni asinninyu. Sika Apwiya ahuudalisani ollello.”