2 Epilli 34:3 - Mawu a Mulluku

³ M'muyakha waneetthanu ni raru wa omwenaaye, ari musombwe ahaamba omullapella Mulluku a Davide nikhollo naye. M'muyakha waneekhumi ni piilli ahaamba ovenyihamo mapuro oollapellamo mafano ni mafano a Asherimu o Yuda ni o Yerusalemu. Aavenyihamottho mafano oosema ni amikoko.

2 Epilli 34:3 ပူးပေါင်းရင်းမြစ်များ

2 Epilli 33:22

Olliye aheera ddoonanara vamiitthoni va Apwiya wonanko mmo Manase ttiitthinnya eerelleeye. Amoni aanavelleella mikutho wa mafano mattheene ayo Manase attiitthinnya yapangilliiwa nave aanaarumeyella.

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

Miyambo 8:17

Kinnaakonda ayo enakikonda, ookaashaasha ennakiphwanya.

2 Epilli 33:17

Athu yaanavelleellave mikutho o mapuro oollapellamo mafano koma wa Apwiya Mullukuve.

2 Timoteo 3:15

nave onnadduwella wi waambeella khalle weyaano ori mwaana, woodduwella mawu aweella ayo enaawore wuuvaha ezeru ddawuuhoollella o echikhulupililo mwa Khrisitu Yesu wi ovullusiwe.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Oollalleya 12:1

Sika omuupuwelleke Oophatusaawo mu mallapo eesombwaawo mallapo oonanara ehinaphiye, ddihinaphiyettho miyakha nnddo onaallotekeewe wi, “Okumi khonakihakallalliha.”

Masalimo 119:9

Ethiyo musombwe ttuusunga mwawiidde makhallellwaaye wi akhalle aweella? Vowaapwathani moollikana ni mawaanyu.

2 Epilli 30:14

Yahaamba ophara mutteko nave yaavenyihavo makuwa a mafano ayo yaari mu Yerusalemu ni makuwa mattheene awoosellavo lubani* yaatathillella mu ntapo na Kidroni.

1 Epilli 29:1

Mwene Davide aallota wa mutthukumano muttheene wi, “Mwanaka Solomoni oyo Mulluku amutthoonlleeye tti mung'onong'ono nave khanadduwella ddinchichi. Vano muttekoolla tti muullupalli vawi enyumbeella khekhalla ya muthu koma ya Apwiya Mulluku.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Epilli 22:5

Davide aallota wi, “Mwanaka Solomoni tti mung'onong'ono, khanadduwella ddinchichi nave enyumba ya Apwiya enaamakiwe enaphwanella wi ekhalle yooreeresesa, yoovuwa ni yootitimiheya variyari va athu a ellapo ddittheddene. Sika kinaphwanella wi kikhozekelle.” Vano Davide aavelleella ezipangizo ddinchichi ahinakhwe.

2 Mamwene 23:14

Aakumullattho apoto oopatuleya ni mafano a Asherimu mattheene nave va mapuro viwa aamwaravo makhuva a athu ookhwa.

2 Mamwene 23:4

Sika mwene Yosiya aamulamula Hilikiya mullupa mukutho muullupalli navettho allupa mukutho aneepiilli wa olliye ni alonda a va mullako wi evenyihemo mu enyumba ya Mulluku ddeko ddittheddene ddoollapellana mafano a Baala, a Asherimu ni a etheneeri. Ddittheddenennddo aaddoosella otte wa Yerusalemu, o emata dda o Kidroni nave ntuura niwa yaayaana o Betele.

2 Mamwene 18:4

Ahoononga mapuro oollapellamo mafano, ahaakumulla apoto oopatuleya, ahinttaka mafano a Asherimu. Nave aakotholla enowa ya mukuwa elle ayipangille Mose vawi Aisraele ennayoosella lubani* ophiyera ollello. Nnddina niwa naari Nehushitani.

1 Mamwene 13:2

Nave muthooyo aakhuwella va nikuwanno ni mawu a Apwiya wi, “We nikuwa, we nikuwa, Apwiya enallota wi, ‘Mwaana ooromolliwa Yosiya aneeroyariwa mu nibanja na Davide. Nave va weyaano aneerovelleella wonanko mukutho allupa mukutho oorumeyella o mapuro oollapellamo mafano ayo enoosa lubani va weyaano nave eneerewoosa makhuva a athu.’ ”

Levitiko 26:30

Kineerowoononga mapurwaanyu oollapellellamo mafano omwaangoni ni okumulla makuwaanyu oothuwiheravo lubani* nave kineerovokhella mitembo ddanyu vaddullu va mafano oohikhalla ni okumi nave kineerewuuhiya ni nyuwaano.

Eksodo 34:13

Mwakumulle makuwiiwa, moononge mallukwiiwa oopatuleya nave mwakakathe mafanwiiwa a Asherimu.

2 Epilli 34:33

Yosiya aavenyiha ddeko ddoonanara ddittheddene o ellapo ddittheddene dda Israele nave aaweeriha athu attheene a o Israele wi yaarumeyelleke Apwiya Mullukwiiwa. Mwawi athwaayo kheyaahiyalle waarumeyella Apwiya Mulluku a makhollwiiwa.

Mika 1:5

Ddittheddenenndda ddineereya ekaamba ya ddoonanara dda Yakobo ni machimo a Israele. Ethiyo ddoonanara dda Yakobo tti ddawiidde? Ethiyo khe dda Samariya? Ethiyo mapuro oollapellamo mafano a Yuda eri wuuwi? Ethiyo kheri mu Yerusalemu?

2 Mamwene 10:27

Sika yaakumulla nifano na Baala ni enyumbaaye eyitthattusa nddalla ophiyera ollello.

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

2 Epilli 14:6

Aamaka mizinda ddamipanda mu Yuda vawi ellapweeyo yaari mwamurendelle. Miyakha ddennddo mwiillaponimmo khamwaari ekhoto vawi Apwiya yaamuvaha murendelle.

2 Epilli 33:15

Nave aavenyihamo milluku ddeelleto, nifano mu enyumba ya Apwiya ni makuwa mattheene aamakilleeye va mwaango wa Apwiya o Yerusalemu atathillella otte wa muzindooyo.

Masalimo 71:5

Nyu Apwiya Mulluku, tti oyo kinamutiyerelleemi, oyo kinamuroromelleemi waambeella enamwanaaka.

Miyambo 20:11

Naari mwaana anniidduwanyeyiha ni ddaweera ddaye ddaarimi ddiri ddaweella ni ddoolungama.