2 Epilli 33:3 - Mawu a Mulluku

³ Manase aamakattho mapuro oollapellamo mafano, ayo attiitthinnya Hezekiya yawoonongelliiwa. Aammakella Baala makuwa, aapanga mafano a Asherimu. Nave aanallapella ni orumeyella etheneeri.

2 Epilli 33:3 ပူးပေါင်းရင်းမြစ်များ

Deuteronomo 16:21

“Muhiimese mafano a Asherimu vakhwipi va nikuwa na Apwiya Mullukwaanyu nno munaamakeenyu.

Deuteronomo 17:3

nave atathinlle echipangano voollapellani ni orumeyella milluku ddimodda monga nndduwa, mweeri apaalle etheneeri nnddo kahiihalleemi wi ehiddillapelleke.

2 Epilli 31:1

Ddittheddene ddimanlle, Aisraele attheene yaphwanyeyevo yaaya o mizinda dda Yuda yaakumulla apoto oopatuleya, yinttaka mafano a Asherimu ni woononga mapuro oollapellamo mafano ni makuwa o ellapo ddittheddene dda Yuda, Benjamini, Efuremu ni Manase ophiyera yaadditthollosa ddittheddene. Vatulli viwa Aisraele attheene yaahokollweella o mizinda ddiwa, arive muthu owaniwa.

2 Epilli 30:14

Yahaamba ophara mutteko nave yaavenyihavo makuwa a mafano ayo yaari mu Yerusalemu ni makuwa mattheene awoosellavo lubani* yaatathillella mu ntapo na Kidroni.

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Yeremiya 19:13

Enyumba dda o Yerusalemu ni dda mamwene a o Yuda kineerodditthattusa ddooripihiwa wonanko Tofeti kaambiiwa tti enyumba nnddo vaddullu viwa yooselliiwavo lubani wa etheneeri ddooddullu, enavelleella mikutho ddoowirya wa milluku ddimodda.”

Oollalleya 9:18

Ezeru tti ddookhwaranya ezida ddakhoto koma oochimwa mmodda annoonongiha ddaphaama ddinchichi.

2 Mamwene 18:4

Ahoononga mapuro oollapellamo mafano, ahaakumulla apoto oopatuleya, ahinttaka mafano a Asherimu. Nave aakotholla enowa ya mukuwa elle ayipangille Mose vawi Aisraele ennayoosella lubani* ophiyera ollello. Nnddina niwa naari Nehushitani.

Mitteko 7:42

Sika Mulluku ahaahiya nave aavelleella omallapello a etheneeri ddooddullu, ollikana ni ddalembiwe mu nibukhu na namallotella wi, ‘Nyu athu a o Israele, ethiyo mwaavelleella mikutho ni emphaso miyakha 40 mwaariinyu muchipululuni mulle?

Yeremiya 17:2

Aniiwa ennuupuwella mapurwiiwa oollapellamo ni mafanwiiwa a Asherimu vatthi va orive muteekho woovattha mwiillaponimmo.

Yeremiya 8:2

Nave eneerewaaneya vanndduwani, vamweerini ni veetheneeri ddittheddene ddooddullu nnddo yaddikondiiwa, enaarumeyella, enaathwara, enaaveka ezeru ni oddillapella. Makhuvaayo khetthukumanihiwa apaalle ovuhellelliwa koma enaatthattuwe manyowa oomwareyella vatthi.

Oollalleya 2:19

Anadduwella ttaani wi muthu yoolla anaakhalle eezeru apaalle ookarangeya. Komave yoolla anaakhalle oolamulella mitteko ddittheddene nnddo kaddeerilleemi vatthimva mweezeru ddaka. Ddennddattho khaddinna mutteko.

2 Epilli 32:12

Ethiyo khe Hezekiya yoolla avenyihalle mapuro oollapellamo mafano ni makuwaaye nave aalamula athu a o Yuda ni Yerusalemu wi, “Mullapelleke va nikuwa nimodda ni ovelleella mikutho ddanyu vaavo?”

2 Mamwene 23:11

Ahaavenyihattho akavalo ayo mamwene a o Yuda yaavelleelliiwa wa nndduwa. Akavalo yaayo yasungiwa va nthato ni na enyumba ya Apwiya vakhuviru ni voovollowella mu enyumba navettho echipinda ya Natani Meleki, muttekweene oororomelleya a mwene oowehera enyumbeeyo. Navettho aawoosa magareta oollapellana nndduwa.

2 Mamwene 21:3

Manase aamakattho mapuro oollapellamo mafano, ayo attiitthinnya Hezekiya yawoonongelliiwa. Aammakella Baala makuwa, aapanga mafano a Asherimu wonanko eerelle Ahabu mwene a Aisraele. Nave aanallapella ni orumeyella etheneeri.

1 Mamwene 14:23

Vawi yahiimakellattho mapuro oollapellamo mafano, apoto oopatuleya ni mafano a Asherimu vamwaangoni ni vatthi va miteekho ddoovattha.

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

Eksodo 34:13

Mwakumulle makuwiiwa, moononge mallukwiiwa oopatuleya nave mwakakathe mafanwiiwa a Asherimu.

2 Mamwene 23:4

Sika mwene Yosiya aamulamula Hilikiya mullupa mukutho muullupalli navettho allupa mukutho aneepiilli wa olliye ni alonda a va mullako wi evenyihemo mu enyumba ya Mulluku ddeko ddittheddene ddoollapellana mafano a Baala, a Asherimu ni a etheneeri. Ddittheddenennddo aaddoosella otte wa Yerusalemu, o emata dda o Kidroni nave ntuura niwa yaayaana o Betele.

2 Epilli 28:24

Vano Ahazi aatthukumaniha eziwiya ddittheddene dda o enyumba ya Mulluku addipwesa nave aawalla machiwi a enyumbeeyo. Vatulli viwa aamaka makuwa m'mapuroni manchichi mu Yerusalemu.

2 Epilli 33:15

Nave aavenyihamo milluku ddeelleto, nifano mu enyumba ya Apwiya ni makuwa mattheene aamakilleeye va mwaango wa Apwiya o Yerusalemu atathillella otte wa muzindooyo.

2 Epilli 33:19

Nave ovekella waye ni mmottho Mulluku iiwelleeye, machimwaaye mattheene, ohiroromelleya waye ni mapuro amakilleeye oollapellamo mafano nko iimenseeye mafano a Asherimu ni mafano mamodda ahiniiyevihe, ddittheddenenndda ddoolembiwa mu nibukhu na epilli ya anamallotella.

2 Epilli 34:25

Athwaayo aakihiya, enavelleella mikutho wa milluku ddimodda ni okichimwella ni mafanwiiwa, mitteko ddittheddene dda mattiiwa. Sika osha murima waka wookharella muzindoolla nave khowa othiima.’

Yeremiya 7:30

“Apwiya enallota wi, ‘Athu a o Yuda aheera ddoonanara vamiitthoni vaka, ahiimesa mafanwiiwa oonanara mu enyumba ella enadduwanyeya ni nnddina naka nave aayiripiha.