2 Epilli 32:8 - Mawu a Mulluku

⁸ Olliye ari ni mulloko wakhoto wa omwiillini koma oyo ari ni hi tti Apwiya Mullukwaahu wi anikavihere ni oniwanella ekhoto ddahu.”

2 Epilli 32:8 ပူးပေါင်းရင်းမြစ်များ

Yeremiya 17:5

Apwiya enallota wi, “Otulli wa oyo anamuroromella muthu, oyo anahameella va muthu wi amukavihere, anakihiya mi Apwiya.

2 Epilli 20:17

Khewupaalleyattho owanana ekhoto koma nyu mukhulle moona wiimella m'mapuroni mwanyu. Nave muwoonelleke Apwiya epambanaka ekhoto munipuroni mwanyu, nyu athu a o Yuda ni Yerusalemu.’ Muhoove nave muhitathille murima, osiisello khaweni mwawanena nave Apwiya enorokhalla ni nyu.”

2 Epilli 20:15

Olliye aallota wi, “Ngiiwani, nyu Ayuda attheene ni athu a mu Yerusalemu ni nyuttho mwene Yehoshafati, Apwiya enallota ni nyu wi, ‘Muhoove nave muhitathille murima ni waata wa athu vawi ekhotweella khe yaanyu koma ya Mulluku.

2 Timoteo 4:17

Koma Apwiya yaakhalla ni miyaano ekillipiha murima sika kaawora ollalleya othenga ottheene wa athu attheene ayo eri oohikhulupilila. Nave kahaakihiwa muwano mwa mikango.

Mitteko 18:10

vawi kiri ni weyaano. Khaavo anaawuvoreye vawi anchichi m'muzindanimmu tti athwaaka.”

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

1 Yohane 4:4

Koma nyuwaano, anaaka, tti a Mulluku nave mohaagonjiha anamallotella awoottha kaambiiwa Munepa Waweella oyo ari mwa nyuwaano tti amasiva ohiyana ni munepa oyo ari mu ayo enakhalla mu ellapo yavatthi.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

2 Epilli 13:12

Vano ngoonani! Mulluku ari ni hiyaano nave allupa mukuthwaaye eri vaava ni mapallapatiiwa, aakhozeka wi ewiipe oniithana wi niwane ekhoto ni nyuwaano. Nyu Aisraele, muhillipane ni Apwiya Mulluku a makhollwaanyu vawi khamupambana.”

Deuteronomo 20:4

Apwiya Mullukwaanyu eneerothaanana ni nyuwaano wi yuukavihereni va ekhotweeyo nave wi yuupambaniheni.’

Miyambo 12:25

Okhupanya onnamullemella muthu m'murimani mwaye koma mawu aphaama ennamuhakallalliha.

2 Epilli 20:20

Vano yaavenya ohinase eya yavollowa mu echipululu ya o Tekowa. Yakhumamwiiwa Yehoshafati ahiimella allota wi, “Nyu athu a o Yuda ni a mu Yerusalemu, apelleni maaru! Aroromelleni Apwiya Mullukwaanyu nave muneerokhalla ni masiva. Aroromelleni anamallotella nave muneeropambana.”

2 Epilli 14:11

Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

Deuteronomo 20:1

“Mwaya woowana ekhoto ni adanaanyu nave moona wi magaretiiwa, akavalwiiwa ni akhotwiiwa tti anchichi wuukhwaranyani nyuwaano, muhiwoove. Apwiya Mullukwaanyu ayo yuuvullusalleni o Iguputo eneerokhalla ni nyuwaano.

Yesaya 36:18

Sika nyu, muchenjere Hezekiya ahuukarangeyiheni vawuulleellani wi Apwiya eneerewuuvullusani. Mwa milluku dda athu a mitundu ddimodda, ethiyo ookhallavo naari mmodda oyo avullusallevo ellapwaaye wa mwene a o Asiriya?

Yesaya 8:10

Naari mwiiwanane koma mwiiwananooyo khophura ello. Mupanganelle ddaweera komave khaddiworeya vawi Mulluku ari ni hiyaano.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

Yobu 40:9

Ethiyo wookhalla ni muwono wamasiva wonanko Mulluku? Ethiyo mawaawo ttuugugudeya monga eneerella aaka?

2 Timoteo 4:22

Apwiya ekhalle ni weyaano. Echisomo ya Mulluku ekhalle ni nyuwaano attheene.

2 Epilli 32:15

Sika muhaakhullelle wi Hezekiya awoottottheni apaalle wuuhollosani mwawi ddiidda nave muhimuroromelle vawi khaavo naari mulluku mmodda a mutundu wa athu apaalle a omwene aworille waavullusa athwaaye m'mattani mwaka apaalle m'mattani mwa makhollwaaka. Sika ttiwoohiworeya wi Mullukwaanyu uuvulluseni m'mattani mwaka!’ ”

Yoswa 10:42

Yoswa ahaagonjiha mamwene mattheenaalla ni ellapo ddiwa enthawi yeella ekaamba yawi Apwiya Mulluku a Aisraele sika aawanella ekhotweeyo.

1 Samuele 17:45

Koma Davide aamulleella Mufilistooyo wi, “Owiille wa miyaano okusalle nsupada ni nivaka. Koma miyaano kinawa wa weyaano mu nnddina na Apwiya Amasiva Mattheene, Mulluku a akhoto a Aisraele, oyo onamuvevulleewe.

2 Mamwene 6:16

Elisha aallota wi, “Ohoove vawi ookhalla vamodda ni hiyaano tti anchichi okhwaranya mmo ekhallelle alliwa.”

1 Epilli 5:22

Adani amodda anchichi yahiiphiwa vawi ekhotweeyo yaari ya Mulluku. Sika athwaayo yaakhallawo phaama ophiyera enthawi yoophariwa okaporo.

2 Epilli 16:7

Enthawi yeeyo namallotella Hanani aawa wa Asa mwene a o Yuda amulleella wi, “Ekaamba yawi mwaroromelle va mwene a o Siriya, ahaaroromella Apwiya Mullukwaanyu, mulloko wa ekhoto wa mwene a o Siriya wohuuthawellani.

Masalimo 20:7

Amodda enaaroromella magareta akhoto, amodda enaakotella akavalo koma hiyaano ninakotella nnddina na Apwiya Mullukwaahu.

Masalimo 118:8

Othawella wa Apwiya tti waphaama okhwaranya omuroromella muthu.

Yeremiya 42:11

Muhimoove mwene a o Babiloni oyo munamovaanyu ollello. Muhimoove mwenooyo kaambiiwa miyaano kiri ni nyuwaano wi kuuvulluseni ni owaakiherani m'mattani mwaye.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Deuteronomo 20:3

‘Ngiiwani nyu Aisraele! Ollello munaya mwawane ni adanaanyu. Muhitathille murima nave muhiwoove apaalle waatthukumellella.

2 Mamwene 18:5

Hezekiya ahaaroromella Apwiya Mulluku a Israele mwawi khaarivo oophwanaphwanana variyari va mamwene mattheene o Yuda vatulli apaalle vahoollo va olliye.

2 Epilli 14:10

Vano Asa aatimulla wi akumanena nave attheenaayo yaatthattana embali ddittheddene wi ewane ekhoto va ntapo na Zefati o Maresha.

Yesaya 30:32

Apwiya vawaallakani adani, athwiiwa enaakhalle yiinaka ekoma ni magitala. Apwiya aneena eneerowana ekhoto ni Aasiriya.

Yesaya 31:3

Aiguputo khe milluku koma alliwa tti athu oonanara. Akavalwiiwa khe minepa koma tti enama shisha. Apwiya yattaphurusa nnatta niwa, ookavihera eneerokwakwatuwa nave ookaviheriwa eneeromora nave attheenaayo enaamallelle nimodda.