2 Epilli 32:7 - Mawu a Mulluku

⁷ “Khallani amasiva, llipani murima. Muhoove apaalle otathilla murima vamiitthoni va mwene a o Asiriya ni mulloko wakhoto ariiyena vawi oyo ari ni hi tti muullupalli okhwaranya oyo ari ni olliye.

2 Epilli 32:7 ပူးပေါင်းရင်းမြစ်များ

2 Mamwene 6:16

Elisha aallota wi, “Ohoove vawi ookhalla vamodda ni hiyaano tti anchichi okhwaranya mmo ekhallelle alliwa.”

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Aefeso 6:10

Voomallihani, mwiillipiheke mu eyaattano ni Apwiya ni masiviiwa uullupalli.

1 Yohane 4:4

Koma nyuwaano, anaaka, tti a Mulluku nave mohaagonjiha anamallotella awoottha kaambiiwa Munepa Waweella oyo ari mwa nyuwaano tti amasiva ohiyana ni munepa oyo ari mu ayo enakhalla mu ellapo yavatthi.

2 Epilli 20:15

Olliye aallota wi, “Ngiiwani, nyu Ayuda attheene ni athu a mu Yerusalemu ni nyuttho mwene Yehoshafati, Apwiya enallota ni nyu wi, ‘Muhoove nave muhitathille murima ni waata wa athu vawi ekhotweella khe yaanyu koma ya Mulluku.

2 Mamwene 18:30

Muhaakhullelle wi Hezekiya awoottottheni vawuulleellani wi muroromelle wi Apwiya eneerewuuvullusani nave wi mi mwene a o Asiriya ngiwaakha muzindaanyu.

Zekariya 8:9

Apwiya Amasiva Mattheene enallota wi, “Khallani amasiva. Vano munniiwa mawu a anamallotella ayo yallotiiwa va enthawi yookeraatthiha matthipello a enyumba ya Apwiya Amasiva Mattheene wi emakiwettho.

Yesaya 35:4

Mwaalleelle a murima wawoova wi, “Llipani murima, muhoove! Ngoonani, Mullukwaanyu animawa wi aahokolloselle ni waallaka adanaanyu, animawa wi uuvulluseni.”

1 Epilli 28:20

Vano Davide aallota wa Solomoni mwanaye wi, “Llipa murima nave phara muttekooyo. Ohoove nave ohitathille murima vawi Apwiya Mulluku oyo tti Mullukwaaka ari ni weyaano. Kheyuukukureyiha navettho kheyuuhiya weekha ophiyera mutteko muttheene woomaka enyumbiiwa omanlle.”

Zekariya 8:23

Va mallapo yaayo athu khumi oovenyera o mitundu dda athu ddoohiyanahiyana eneeromuwanddeellella Muyuda ni ollota wi, ‘Nithaananena kaambiiwa nohiiwa wi Mulluku ari ni nyuwaano.’ ”

Daniele 10:19

Aallota wi, “We ookondiwesesa, ohoove. Murendelle okhalle ni weyaano. Khalla amasiva nave llipa murima.” Allotilleeye ddenndda, kaaphwanya masiva nave kaallota wi, “Apwiyaaka, llotani vawi mookillipiha.”

Deuteronomo 31:23

Vano Apwiya yaamulleella Yoswa, mwaana a Nuni wi, “Khalla amasiva ni oollipa murima. Oneerewaahoollella Aisraele ovollowa mwiillaponi eyo kallupenlleemi nave kineerokhalla ni weyaano.”

2 Timoteo 2:1

Nave we mwanaka okhalle oollipa mu echisomo ya Khrisitu Yesu.

1 Epilli 28:10

Odduwelle wi Apwiya ahuutthoolla wi waamakelle enyumba yaweella mmo enaakhallekeewamo. Vano ollipe murima nave ophare mutteko.

1 Epilli 22:13

Vano wiiwellella malamulo ni malangizo mattheene Apwiya yamulamulalliiwa Mose wi aalleelle Aisraele oneeropambana. Llipa murima, ohoove navettho ohikhupanyeke.

Deuteronomo 20:1

“Mwaya woowana ekhoto ni adanaanyu nave moona wi magaretiiwa, akavalwiiwa ni akhotwiiwa tti anchichi wuukhwaranyani nyuwaano, muhiwoove. Apwiya Mullukwaanyu ayo yuuvullusalleni o Iguputo eneerokhalla ni nyuwaano.

2 Epilli 16:7

Enthawi yeeyo namallotella Hanani aawa wa Asa mwene a o Yuda amulleella wi, “Ekaamba yawi mwaroromelle va mwene a o Siriya, ahaaroromella Apwiya Mullukwaanyu, mulloko wa ekhoto wa mwene a o Siriya wohuuthawellani.

Masalimo 118:8

Othawella wa Apwiya tti waphaama okhwaranya omuroromella muthu.

Yeremiya 42:11

Muhimoove mwene a o Babiloni oyo munamovaanyu ollello. Muhimoove mwenooyo kaambiiwa miyaano kiri ni nyuwaano wi kuuvulluseni ni owaakiherani m'mattani mwaye.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

2 Mamwene 18:5

Hezekiya ahaaroromella Apwiya Mulluku a Israele mwawi khaarivo oophwanaphwanana variyari va mamwene mattheene o Yuda vatulli apaalle vahoollo va olliye.

2 Epilli 15:7

Koma nyu, llipani murima! Mattaanyu ehifooke vawi muneerothuviwa ekaamba ya muttekwaanyu.

2 Epilli 20:17

Khewupaalleyattho owanana ekhoto koma nyu mukhulle moona wiimella m'mapuroni mwanyu. Nave muwoonelleke Apwiya epambanaka ekhoto munipuroni mwanyu, nyu athu a o Yuda ni Yerusalemu.’ Muhoove nave muhitathille murima, osiisello khaweni mwawanena nave Apwiya enorokhalla ni nyu.”

Nehemiya 4:8

Vano yahiiwanana ddoohella ekhoto o Yerusalemu wi yaanganyere m'muzindanimmo.