2 Epilli 32:5 - Mawu a Mulluku

⁵ Hezekiya ahaamba ophara mutteko moollipa nave aamakattho esiri eyo yakumuwalle. Vano aamakattho mattattha vaddullu viwa nave otte wiwa aamakattho esiri emodda, aallipihattho mpanda nnddina niwa Milo mu muzinda wa Davide. Aapangattho ezida ddakhoto ni ddawiitetezellana ddinchichi.

2 Epilli 32:5 ပူးပေါင်းရင်းမြစ်များ

2 Epilli 25:23

Vano Yowashi mwene a o Israele aamuphara Amaziya mwene a o Yuda mwaana a Yowashi mwaana a Ahaziya o Beteshemeshi amuyaana o Yerusalemu. Nave Yowashi aakumulla mpanda wa Yerusalemu mamita 200 ovenyera va mullako wa Efuremu ophiyera va mullako wa Vakona.

1 Mamwene 9:24

Enthawi yeeyo mwaana aamutthiyana a Farao aavenyawo o muzinda wa Davide aya o enyumbaaye eyo Solomoni ammakelleeye. Vatulli viwa Solomoni aamaka masitepe a Milo.

2 Mamwene 25:4

mpanda wa muzindooyo waaphovolliwa. Naari Ababiloni yawaapheelle muzindooyo komave akhoto attheene yaathawamo mahiiyu vookhumellani va mullako wa variyari va esiri piilli, vakhuviru ni emata ya mwene. Nave yaathawella o Araba.

2 Samuele 5:9

Nave Davide aanakhalla mumpandanimmo nave waromolliwa wi muzinda wa Davide. Vano aamakattho muzinda waapheella nipuronno ovenyera va mpanda wa Milo ophiyera muwari mwaye.

Yeremiya 39:4

Zedekiya mwene a o Yuda ni akhotwaaye yawoonilliiwa yaathawa m'muzindani mahiiyu oweella m'matani mwa mwene ovirella va mullako wa variyari va esiri piilli nave yathawenlle o Araba.

2 Epilli 26:8

Athu yaanakhoma musonkho wa Uziya nave aavuwa ophiyera omalireni a Iguputo vawi aari amasiva wunchichi.

2 Epilli 23:1

Koma m'muyakha waneetthanu ni piilli Yehoyahada aallipa murima nave aawiithana athu ayo yaari oohoollella a akhoto anchichi, Azariya mwaana a Yerohamu, Ishmaele mwaana a Yehohanani, Azariya mwaana a Obedi, Maaseiya mwaana a Adaya ni Elishafati mwaana a Zikiri.

2 Epilli 12:1

Vano Rehobowamu akeraatthihalle ni ollipiha olamulellwaaye olliye ni Aisraele attheene yahaamba ohiiwellella malamulo a Apwiya.

2 Mamwene 12:20

Enduna ddaye ddaamweerella echiwembu nave ddaamwiipha ompandani wa enyumba ya Milo eyo eri va ettilla yookitthella o Sila.

1 Mamwene 11:27

Yerobowamu amuwukilalle Solomoni ekaamba yawi aamaka masitepe a Milo ni omakattho vakumuwalle va mipanda dda m'mizindani dda Davide, attiitthinnya.

Oweeruza 9:6

Vano aneetthi a ellapo ya Shekemu yaatthukumana o enyumba ya Betemilo, eya o muteekho wa muthundu vakhuviru ni opoto oollapellavo a o Shekemu, yamuvollochiha omwene Abimeleki.

Miyambo 25:28

Muthu oohiihiiha tti wonanko muzinda wookumulliwa, woohikhalla ni mpanda.

2 Epilli 33:14

Vatulli viwa aamaka esiri otte wa muzinda wa Davide woovollowa nndduwa wa Gihoni ovenyera o ntapo ophiyera voovollowella o mullako wa Ehomba. Nave aamaka esireeyo waapheella Ofele ayiwelliha muddullu wunchichi. Ahaahiyamottho oohoollella a akhoto o mizinda ddamipanda ddittheddene dda o Yuda.

Yowele 2:8

Khenakakhanakakhana, enneeta mu ettilla ddiwa, ennavira variyari va ezida ddakhoto kheyiivo enaawiimesa.