2 Epilli 32:31 - Mawu a Mulluku

³¹ Vano amithenga a enduna dda o Babiloni yaarumiwa wa olliye wi yakohe dda echizindikiro elle yeereye mwiillaponi mulle. Mulluku aamuhiya wi amweese nave wi adduwelle ddittheddene dda m'murimani mwaye.

2 Epilli 32:31 ပူးပေါင်းရင်းမြစ်များ

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Yohane 15:5

“Mi tti muteekho wa mpesa nave nyuwaano sika enthambi. Ayo enakhalla mwa miyaano nave miyaano mwa alliwa oneerewimma ezipaso vawi khamuwora weera ello kaahikhallavo miyaano.

Miyambo 17:3

Siliva aneekiwa mwiipalleni nave golide ni munllo koma murima wa muthu oneesiwa ni Apwiya.

2 Epilli 32:24

Enthawi yeeyo, Hezekiya aavoriiwa nave aari vakhuviru okhwa. Sika aavekella wa Apwiya nave yaamwaakhulla emuvaha echizindikiro yawi aneerochira.

Genesis 22:1

Vatulli viwa Mulluku aamweesa Abrahamu. Aamwiithana wi, “Abrahamu!” Nave Abrahamu ahaakhulla wi, “Ee Apwiya.”

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Deuteronomo 8:16

Yahuuvahani mana muchipululuni wi muche, yoocha eyo makhollwaanyu yahiyidduwenlliiwa wi yuuyeviheni ni oweesani wi vatulli viwa yuudaliseni.

Yakobo 1:13

Muthu eesiwaka ahilloteke wi, “Kinneesiwa ni Mulluku.” Vawi Mulluku khanawora weesiwa ni ddoonanara nave olliyooyo khanamweesa arive muthu.

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

Oweeruza 16:20

Vatulli viwa Delila aakhuwa wi, “Nyu amamunaka, Afilistaalle enimawa.” Samisoni aavenya aganizaka wi, “Kineerokhuma wonanko mmo kineerelleemi erive enthawi nave kineerottaphuwa.” Koma khaadduwella wi Apwiya aamuhiya.

Deuteronomo 13:3

nyuwaano muhiiwellelle ddennddo vawi Apwiya Mullukwaanyu enapaalla eweeseni wi yoone mwaarimi mwaakondaka ni okumaanyu muttheene.

Masalimo 27:9

Muhikiipitthihelle ekhovaanyu. Muhikikhoote moonanariwa mi oorumeyellaanyu. Nyuwaano mookhalla mukikaviheraka. Muhikitathille, muhikihiye meekha, nyu Mulluku oovullusaaka.

2 Epilli 32:25

Koma Hezekiya kheerille ddaphaama moollikana ni mmo Apwiya yamweerilliiwa vawi aari ni murima wawiitukhulla. Sika Apwiya yaamushella murima ni athu a o Yuda ni Yerusalemu.

2 Epilli 32:32

Vano mitteko ddittheddene dda Hezekiya ni ddaweera ddaye ddaphaama ddaalembiwa mu nibukhu na masomphenya a namallotella Yesaya mwaana a Amozi, mu nibukhu na epilli ya mamwene a o Yuda ni Israele.