2 Epilli 32:26 - Mawu a Mulluku

²⁶ Koma Hezekiya ahiiyeviha ahiya wiitukhulla olliye ni athu ayo yakhalla mu Yerusalemu mwawi osha murima wa Apwiya khewaamorelle mu mallapo a Hezekiya.

2 Epilli 32:26 ပူးပေါင်းရင်းမြစ်များ

2 Epilli 33:12

Vano aariiye mu ddookatamiha, ahaaveka Apwiya Mullukwaaye wi emweerelle echifundo nave ahiiyeviha wunchichi vamiitthoni va Mulluku a makhollwaaye.

Yakobo 4:10

Mwiiyevihe nyookha vamiitthoni va Apwiya nave eneerowunnuwihani.

2 Epilli 33:23

Vano olliye khiiyevihalle vamiitthoni va Apwiya wonanko Manase ttiitthinnya iiyevihelleeye nave aari oochimwa wunchichi waakhwaranya attiitthinnya.

2 Epilli 33:19

Nave ovekella waye ni mmottho Mulluku iiwelleeye, machimwaaye mattheene, ohiroromelleya waye ni mapuro amakilleeye oollapellamo mafano nko iimenseeye mafano a Asherimu ni mafano mamodda ahiniiyevihe, ddittheddenenndda ddoolembiwa mu nibukhu na epilli ya anamallotella.

1 Mamwene 21:29

“Ethiyo wohoona mmo Ahabu iiyevihelleeye vamiitthoni vaka? Vawi ohiiyeviha vamiitthoni vaka, ngiwa kimullaka ni ddittheddenenndde ari mukumi koma kinaallake nibanja naye mu olamulello wa mwanaye.”

1 Mamwene 21:19

Vano wamulleelle wi Apwiya enuukoha wi, ‘Ethiyo khewiiphalle ni waakhattho?’ Wamulleellettho wi Apwiya eni ‘Vanipuroni mvo anapwa yallanddiiwa nikhame na Naboti, vaavottho eneerollanndda nikhame nawo.’ ”

2 Epilli 32:27

Hezekiya aakhalla ni eyuuma yawaata nave aanavahiwa olemu wunchichi. Vano aamaka enyumba yoosungellamo eyuuma ya siliva, golide, malluku oowallamella mutengo, ddawunkhella, ddawiitetezellana ni ddeko ddoohiyanahiyana ddoowallamella mutengo.

2 Mamwene 22:19

waalapa ni wiiyeviha vamiitthoni va mi Apwiya. Kahuulleella wi kineerollaka muzindoolla ni athu attheene a mwemmo nave wi oneerotthattuwa nipuro nawoopiha ni nootulli. Vawi wohaahulla ddoowara ddawo winllaka vamiitthoni vaka, miyaanottho kohiiwa nivekello nawo. Mi Apwiya koollota.

2 Epilli 12:7

Vano Apwiya yoonille wi athwaayo ahiiyeviha, mawu a Apwiya yaawa wa Shemaya ellota wi, “Athwaalla ahiiyeviha vano ngiwoononga koma kineeremaavullusa nave ngiwushella murima muzinda wa Yerusalemu mwawi Shishaki khawoononga.