2 Epilli 32:25 - Mawu a Mulluku

²⁵ Koma Hezekiya kheerille ddaphaama moollikana ni mmo Apwiya yamweerilliiwa vawi aari ni murima wawiitukhulla. Sika Apwiya yaamushella murima ni athu a o Yuda ni Yerusalemu.

2 Epilli 32:25 ပူးပေါင်းရင်းမြစ်များ

2 Epilli 24:18

Vano yaahiya enyumba ya Apwiya, Mulluku a makhollwiiwa enarumeyella mafano a Asherimu. Sika osha murima wa Apwiya waaphiya va athu a o Yuda ni Yerusalemu ekaamba ya ochimwa wiwa.

2 Epilli 26:16

Koma masiva a Uziya yunnuwalle ahaamba wiitukhulla nave aallakiwa. Khaawiiwellelle wa Apwiya Mullukwaaye voovollowani m'musasani wa Apwiya wi oose lubani* vanikuwani nawoosellavo.

2 Epilli 32:31

Vano amithenga a enduna dda o Babiloni yaarumiwa wa olliye wi yakohe dda echizindikiro elle yeereye mwiillaponi mulle. Mulluku aamuhiya wi amweese nave wi adduwelle ddittheddene dda m'murimani mwaye.

2 Samuele 24:1

Enthawi emodda Apwiya yahaananariwellattho Aisraele, sika yaamweeriha Davide wi aahoose alliwa. Yaamulleella wi, “Khawe waweerenge Aisraele ni Ayuda attheene.”

2 Mamwene 14:10

Ddawoona, we woomugonjiha Edomu nave vano onimiitukhulla. Itthamalleke ni opambana wawonko koma vano okhalle owaninyu wenko. Kaambiiwa tini onapaalleewe ottatthamulla ddookatamiha mwaphudda? Phaamathi oneeromora we ni athu a o Yuda.”

Deuteronomo 8:17

Vano muhiganizeke wi masivavaanyu ni ekophollo ddanyu sika dduuvahilleni eyuuma.

1 Timoteo 3:6

Akhalle oowaraalla mu echikhulupililo wi ahiitukhulleke woova wi anaallakiwe wonanko mmo Satana aallakelliweeye.

2 Akorinto 12:7

Kaavahiwa yookatamiha mu omuthwaaka wi kihiinyarulleke ekaamba ya ddawuupullulla koonilleemi. Kinakhalla wonanko kinimuukuthiwa ni oorumiwa a Satana wi kihikoteke.

Habakuku 2:4

Ngoonani, oyo ahinna murima woolungama khavulluwa koma oolungama eneerokhalla ni okumi ekaamba ya echikhulupililwiiwa.”

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Daniele 5:20

Koma yaambilliiwa wiitukhulla, wunnuwa murima ni wiiddivella, yaakitthihiwa va mpandwiiwa woomwene ni waakhiwa olemwiiwa.

Ezekiele 28:17

Waaniitukhulla ekaamba ya oreera wawo, waananariha ezeru ddawo ekaamba yoopaalla okhalla oovuwa. Vano kahuuvokhella vatthi wi okhalle echisanzo wa mamwene mamodda.

Ezekiele 28:5

Waaruuwiha eyuumaawo ekaamba ya ezeru ddawo ddooweetihella malonda nave oniitukhulla ekaamba ya eyuumaaweeyo.

Ezekiele 28:2

“We mwaana a muthu mulleelle mwene a o Tiro mawaaka awi, we ni murimaawo wawiitukhulla onnallota wi, ‘Mi tti mulluku. Kinakhalla wonanko mwene variyari va milluku mu enyanja ddoowallamella.’ Komathi we tti muthu shisha ohiri mulluku naari oddeesaka eezeru wonanko mulluku.

2 Epilli 25:19

Ddawoona, we woomugonjiha Edomu nave vano onimiitukhulla. Itthamalleke ni opambana wawonko koma vano okhalle owaninyu wenko. Kaambiiwa tini onapaalleewe ottatthamulla ddookatamiha mwaphudda? Phaamathi oneeromora we ni athu a o Yuda.”

2 Epilli 19:2

Koma Yehu mwaana a oollohella Hanani aakhuma wi akumanena nave aamukoha mwene Yehoshafati wi, “Ethiyo tti woopaalleya waakavihera athu oochimwa ni waakonda ayo enawiita Apwiya? Ekaamba ya yeella osha murima wa Apwiya wohuumorellani.

1 Epilli 21:1

Vano Satana aapaalla waahoosa Aisraele, aamulleka Davide wi aweerenge Aisraele.

2 Mamwene 20:13

Hezekiya aawaakhella athwaayo nave aawooniha enyumba yoosungellamo ddeko ddaye monga siliva, golide, makhura awunkhella oowallamella mutengo, makhura aphaama, ezida ddittheddene ddakhoto ni ddittheddene addisungeeye. Khamwaahanlle ello munyumbanimmo ni mu omwenaaye muttheene eyo ahiwoonihalleeye.

Deuteronomo 32:6

Ethiyo ttuuwaahokollosella ddawi ddiidda Apwiya, nyu athu ookarangeya ni ohikhalla ni ezeru? Ethiyo alliwa khe attiitthaanyu ayo yuuphatusalleni, ayo yuupangilleni ni wuukeraatthihani?”

Yesaya 39:2

Hezekiya aawaakhella athwaayo nave aawooniha enyumba yoosungellamo ddeko ddaye monga siliva, golide, makhura awunkhella oowallamella mutengo, makhura aphaama, ezida ddittheddene ddakhoto ni ddittheddene addisungeeye. Khamwaahanlle ello munyumbanimmo ni mu omwenaaye muttheene eyo ahiwoonihalleeye.

Ezekiele 31:10

“Sika mi Apwiya Mulluku kinallota wi ‘Ekaamba yawi muteekhooyo waarekama wunchichi ophiyera oddullu nave waaniitukhulla ni wunnuwanko,

2 Mamwene 20:12

Enthawi yeeyo Merodaki Baladani mwaana a Baladani mwene a o Babiloni ahaarumiha amithenga awinnyera makalata ni emphaso wi yavelleelle wa Hezekiya vawi ahiiwa wi aamavoriiwa.

Yesaya 39:1

Enthawi yeeyo Merodaki Baladani mwaana a Baladani mwene a o Babiloni, ahaarumiha amithenga awinnyera makalata ni emphaso wi yavelleelle wa Hezekiya vawi ahiiwa wi aamavoriiwa nave aachira.

Daniele 11:12

Mulloko wakhotoolla ophariwe, mwene oomwerooyo aneerewaamba wiitukhulla ekaamba ya opambana waye nave aneeroowiipha athu ooheerengeya komave opambananko khovirellella.